SAN LUCAS 24:3-19

³Huan ihcuac ocalajque ompa, ayacmo ocahsique in tetlacayo in Totecohtzin Jesús.

⁴Huan quen tel oquimatque ic omomoutihque. Ihcuac inon oquinitaque ome ángeles ihcaticaten inahuac tlaquentitoque hasta petlani.

⁵Huan quen yehhuan omixtocaque ic tlalpa ica moucayotl, inon ángeles oquiniluihque: ―Tel, ¿tleca nanquitemohuahque in aquin yoltoc canin den mijcamen?

⁶Ahmo ilohuac nis. Yoihxohuac. Xiquilnamiquican quen omechnonotzaloc nepa Galilea.

⁷Tel, ¿ahmo mechiluiloc quen Yehhuatzin aquin Tetiachicau ica nochin tlacatl oquipixque tlen tetemactisque inmajco in tlahtlacolyohque huan temictisque ipan in cruz, huan ipan yiyi tonali ihxohuas?

⁸Yehhuan oquilnamijque in tlahtoli tlen oquiniluiloc in Jesús.

⁹Huan ic omocuepque den tlaltecochtli oquinnonotzque in mahtlactli huan se tetiotlatitlaniluan huan nochin oc sequinten.

¹⁰Inohque aquin oquinnahuatihque yehhuan in María Magdalena huan Juana huan María inana in Jacobo huan oc sequin sihuamen.

¹¹Huan in tetiotlatitlaniluan oquihtohque san quipanehnehuiliyahque yehhuan. Huan ahmo oquineltocaque.

¹²Masque ijcon oquinehnehuilihque, in Pedro oya tlachiya ipan in tlaltecochtli. Huan ic otlachix tlahtec oquitac in tatapahten caten ic oc se lado. Huan omocuep ichan quen tel oquimat ica tlen opanoc.

¹³Ipan inon tonali oyahtayahque ome tetlamachticahuan ipan in altepetl itoca Emaús, cana ome hora ic huehca den Jerusalén.

¹⁴Huan omononotztayahque yehhuan ica nochin tlen opanoc ica in Jesús.

¹⁵Ihcuac omononotztayahque, san tlama in Jesús omahsitohque huan inuan onehnemohuac.

¹⁶Masque oteitaque, yehhuan omixpatlahque. Ahmo oteixmatque aquin Yehhuatzin.

¹⁷Oncan Jesús oquintlahtlaniloc: ―Tel ¿tlenon nanmononotztihuitzen ic nannehnentihuitzen huan nantlocoya? Yehhuan omoquetzque quen tlocoyahque.

¹⁸Huan se de yehhuan, itoca Cleofas, otenanquilic: ―Nochin tlacatl quimatihque tlen opanoc Jerusalén inin tonalten. Tel, ¿san tehhuatzin ahmo momati masque ompa motepaluilohtoc?

¹⁹Oncan Yehhuatzin oquintlahtlaniloc: ―Tel, ¿tlen opanoc? Huan oteiluihque: ―Ica in Jesús den altepetl Nazaret, inon se tlayolchicauqui hueyixtoc ica in tlen oquichiu huan ica itlahtol teixpa in Dios, huan noyojqui inixpa in tlacamen.