Luk 24:3-19

³Anĩ ere, sain idi meku namen dilen, idi Odug Jesus nẽ bouwa buru an to dilen.

⁴Idi enei nigin kisi musei dale mog bagai, tamo uru kolos medeĩya barikã siridin difaren.

⁵Age dife di, kayau kumĩ de fen, kususu de, teneub lo difen, anĩ ere, tamo idi kayau dirokenẽdin, “Ã ere nigin laa atun mata tamo umirnẽgef?

⁶Ĩ ein sã, ĩ mogo fã yel! Ĩ Galili oun ã geid ubodõg fen, irokenein anĩ, wedereĩ fokõ youf,

⁷ĩ iron, ‘Tamo Naal mosor adodo imeid bun dino di, ĩ aa tetek bun dukesiyouf, age dife di, naa towo bun, ĩ baban mata kel fã youf.’”

⁸Age de di, kayau idi, in od anĩ wedereid fokõ yen.

⁹Sain idi matmat bunem ke de, disi fen, aposel ilewen tunĩ ganan geid, enei ganan wogõ difiyẽdin.

¹⁰Kayau idi are Maria Magdala tamal, Joana, Maria Jems nẽ sina. Kayau anidi, kayau tunĩg geid, enei aposel wogõ difiyẽdin.

¹¹Anĩ ere, idi kayau nigin to momoi den, ere nigin, kayau neid od, idi bun auya gen.

¹²Anĩ ere, Pita fã yale, matmat bun gudu re ilen. Ĩ ku bun itin, gabar lalau dogol yen mog, ilen, agef fen, ereb anĩ wõ yen anĩ nigin, ĩ kisi musei yalef ile, yogon fõ bun ilen.

¹³Naa de anĩ bun, idi neid tamo uru, fonõ taka yana Emaus dilen, Jerusalem anenem Emaus are ilewen kilomita age fiya.

¹⁴Idi urom, ereb ereb ganan wõ yen anĩ abob dirokenek dilen.

¹⁵Idi eneidi nigin diro ken, katõ de dile mog, Jesus yogo isi, weim diyok dilen.

¹⁶Anĩ ere, idi Jesus keleĩya nigin meleid ifofakelen.

¹⁷Age dife di, Jesus idi to fedin, “Ã ere nigin naab luwen katõ ge usigef?” Idi dẽ del fen, idi neweid wau gudũ fiya ado agogon delen.

¹⁸Idi taka yana Kleopas Jesus solof irokenen, “Õ ege Jerusalem nẽ ki tamo nigin, naa eneidi bun an ereb ereb wõ yen anĩ, õ keleĩ sã de?”

¹⁹Age ye di, Jesus idi irokenẽdin, “Ere bagai?” Idi Jesus dirokenen, “Jesus Nasaret tamal nigin. Ĩ profet taka, Negur ado tamo kayau ganan meleid bun, od ado tobonunã bun megeir barikã.