Proveps-Knare Nomaniza 24:1-10

¹Havi vahe'mo'ma hania avu'ava zankura kegasane huge, ana vahe'enema tragotenka mani'zankura, kagesa ontahitfa huo.

²Na'ankure antahiza zamifina vahe'ma hazenke'zami antahizamo avitegeno, zamagipintima atineramia ke'mo'a, hazenke erinte kege nehaze.

³Knare antahizanteti nona neginka, ama' antahizanteti eri hanavetigahane.

⁴Antahi'zama erinenanteti, knare fenozane zgo'amoma mreri zantamina nonka'afina erinte avitegahane.

⁵Ama' antahizane vahe'mo'za rama'a hanave erizageno, antahizama eri vahe'mo'za mago'ane hanave e'nerize.

⁶Ha'ma hu'zante'ma ama' antahizama hunka e'orinesunka, hatera ovuo. Na'ankure rama'a vahe'mo'zama ha'tema vanana kavumroma kantensagenka, hara azeri agateregahane.

⁷Knare antahizamo'a mesga hu'neanki'za, neginagi vahe'mo'za erigara osu'nazankiza, rankumamofo kafante'ma kva vahe'mo'zama atruma hu'zama kema hanafina, mago kea osugahie.

⁸Kefo avu'avazama hu antahizama retro'ma nehaza vahe'mokizmigura, hazenke vahere hu'za nehaze.

⁹Neginagi avu'avama hu'zama retro'ma hanazana, kumi nehaze. Vahe'ma huhavizama hunezmantea vahe'mofona, vahe'mo'za zamavesra hu'za zamagote'nentaze.

¹⁰Knazampima unefrenka hanavema otisankeno'a, hanaveka'a omanegosie.