Пәнд-несиһәтләр 24:1-10

¹Яманларға рәшк қилма, Улар билән барди-кәлди қилишни арзу қилма;

²Чүнки уларниң көңли зораванлиқнила ойлар; Уларниң ағзи азар йәткүзүшни сөзләр.

³Аилә болса даналиқ асасида бәрпа қилинар; Чүшиниш билән мустәһкәмлинәр.

⁴Билим билән өйниң ханилири һәр хил қиммәтлик, есил гөһәрләргә толдурулар.

⁵Дана адәм зор күчкә егидур; Билими бар адәм қудритини ашурар.

⁶Пухта несиһәтләр билән җәң қилғин; Ғәлибә болса Бирдинбир Улуқ Мәслиһәтчи билән болар.  

⁷Даналиқ әқилсиз адәмгә нисбәтән толиму егиз, чүшиниксиздур; Чоңлар шәһәр дәрвазиси алдиға жиғилғанда у зуван ачалмас.

⁸Әскиликни нийәтлигән адәм «сүйқәстчи» атилар.

⁹Ахмақликтин болған нийәт гунадур; Һакавур киши адәмләргә жиркиничликтур.

¹⁰Бешиңға еғир күн чүшкәндә җасарәтсиз болсаң, Күчсиз һесаплинисән.