Lamentations 3

1

3

¹⁹Bada, A tenam nae, eḡa matave kaua, iniviara maiteni, a vinuapoapoe kaua, notana i viḡora kaua.

²⁰A notanota-maelei ma au orau a toutou.

²¹Wate Bada a vinua-notenotei ma orau e vovovaivirewapani. Lamnei a vitumaḡana:

²²da Bada ana nuavaina mamae-nonoana. Ma ana raunuapoapoe eḡa ina kwa.

²³Ubaubanai, e raviravivouni; am vipatutu i rata kaua.

²⁴A ririwana-meleu, Bada au buderi lamna a vivitumaḡanem.

²⁵Taui daBada e vivitumaḡanei ma e baibaiei, ina viaiaini.

²⁶I ai da tana volaḡota ma Bada tana paini da ina vilawanita.

²⁷I aii da vilamolamona ma nola ma aramanei. Am au vilaraga,

²⁸maranai Bada e viviaramanita, ma mae genuatau.

²⁹Tana mae-ḡaira au debidebi, mepa da agu ina nei.

³⁰Navanavami ona verei da ina ravi, ma ina vijiboḡimi. Wate eḡa ona vobelei aubaina.

³¹Bada eḡa ina geduaiana-nonoeta.

³²Avena da maraḡela nuabola e neineiai, wate ana raunua apoapoe i rata kaua. Aubaina ana nuavaina i rata kaua, eḡa damona.

³³Wate wei kauai eḡa ita vinuaiaiei.