19Neba pokana etedina ita do bolana ene winene nowa dauwo wainedine leidina insedine, poka sigasigauaida etedina.
20Ne pokana sa insadewasamodine, nuana enidasade.
21Tane insaisa dea os ne insedine, nuana sausadia ipa:
22Iawe God nuawadawadawa ipa winakasalala, sa baiwa me nuaparewa eueuwa no mainimbo ideita dewasade, mai eipona.
23Tadinaida uduudu me ideita saua wadeditue, no mainmbo euda os dewasade.
24Ne neba wane wanase, “Iawe God, e dea os ipa ne nebaanaida, mai dima da, sa baiwa ne e sumanaiaidantepina.”
25Apana mida sumanaibu Iawe God bedewe ituie me baiwaidantoia, me euda mampo dewasade.
26Sa baiwa euda ipa no nuamba aiaisiwa mampe me inanepia baiwa onioniawantonte wainenta, ipawa me ando no saunepie inanepi.
27Euda ipa no apana sanaa wainitana mampe, God aiawa ruawantonta dewawa atentata.
28Walama ipa God sai no osombo itumpo, no ideita daina wainenta.
29No me wawa bumpe dunentate nainimba dogo osowe itute onioniantonta naita me ando no saunepi.
30Naita apana no epanempa ba wakadisanempa, no mai leusate onau enata, dia.
31Ipawa Iawe God me mai apanawa dabuamoipe eidamoipona, dia.
32Walama isiwa me poka edio no mainimbo wisede, tane do me nuaparembaleidie saunede. Ipawa me nuawadawadawa debama no bainimba winakasala winede.
33Ulaipa walama isiwa poka ita nuapare edio apana mampo wisede, tane me dewa sa dewasadia baiwa mai nuaeuwaleipona, dia.
