Kapole 3

1

3

¹⁹Egu kamkamna yo egu lau gaibu E nuwatuhuidi mate nuwagu ya kalapi doha kapasiya.

²⁰E nuwanuwatuhuidi be nuwagu ya belubelu.

²¹In moho ginauli esega yena E nuwatuhui, haba nuwagu ya adidili fuyo mate:

²²Guyau ena gadosisi otaꞌota fahina yai, hola te mwahumwahuli, yo ena nuwatohatoha ibege i ofi.

²³Hwalahwalala ouꞌouli ena gadosisi yo ena nuwatohatoha falifalihudi. Yo ena sunuma ya laꞌi wananaha.

²⁴Guyau E sunumaꞌen paꞌana In egu gogo mahudoꞌina.

²⁵Safalumadi Guyau sa sunusunumaꞌen, yo sa yoꞌoyoꞌoi, mate ya loholoho lebedi yai.

²⁶Ya loholoho, ma nuwa taluda, Guyau ena abi famwahuli te bagiyen.

²⁷Ya loholoho hinaga, doga ma hewalina e ma hasalana ena mwahu ya baheidi.

²⁸Guyau lebena yai mwahudi ya tole. Debana yai iyabona ya taꞌai be ya fafamakano.

²⁹Bena ya hoba lidi, ma nuwa lidilidina Guyau lisina, nuwana, sunuma hola otana.

³⁰Yena sai ya fanuha bena ya talai, bena papalina ya felen be ya lau papaliꞌi. Haba ya taumayamayaꞌen.

³¹Paꞌana Guyau ibege i ꞌwaiyoꞌoꞌen be hige anadan.

³²Guyau nuwa heyaya, nuwana haba ya leyama lisina. In moho ena nuwatohatoha yo ena gadosisi lebena yai ya ota esegahi.

³³Yo hige i fanuha, bena nuwa heyaya yo kamkamna i felen.