Ladladingit 3

3

¹Sak-en di esa ay nakilaklak-am sin dosan Diyos.

²Inmipakaan sin kad-ana ta say manteeak sin kad-an di palalo ay mabolinget,

³et sak-en di kanayon ay sopsoplitena.

¹⁷Enggay nilinglingak din ison di ragsak ya mayat ay biyag.

¹⁸Isonga kanak si nemnem ko, “Enggay namaga di bikas ko ya siya abe sin namnamak en Diyos.”

¹⁹Kaman pait di pedis ya sabidong di pannemnem ko mo nemnemek din ligligat ko ya kinaiwed di beey ko.

²⁰Kanayon ay nemnemek na yan palalo ay domismaya.

²¹Ngem pomigsa kasin di namnamak mo say nemnemek

²²din magay pap-eng na ay layad ya seg-ang Diyos.

²³Gapo sin palalo ay kinamatalek na, inag-agew ay ipaila nan seg-ang na.

²⁴Isonga kanak si nemnem ko, “Si Diyos anggoy di wada en sak-en, sisya di pannamnamaak.”

²⁵Siged si Diyos sin manganap ya mantalek en sisya.

²⁶Mayat ngarud mo anosan tako ay manseed sin omisalakanana.

³¹Tan adi domokdokog si Diyos si eng-enggana.

³²Olay mo omipalak-am si ligat ya ladingit, ngem seg-angana pay dedan si datako gapo sin dakdake ya adi manbalbaliw ay layad na.

³³Tan baken silalayad ay mangipawadas sakit ya ladingit en datako ay ipogaw.