Kɔlɛntɩ I 16

1

2

3

4

5

6

7

8

9

10

11

12

13

14

15

16

¹Mɑ tɑsǝɣɩ-mɛɣɛ lɛntɩ, ntǝɣǝlɛ Ɩsɔ yǝlɑɑ mpɑ pɑ wɛ Yosɑlɛm tɔ pɑ sǝnɑʋ tɔm. Ɩ́ lɑ teitei ɩsɩɩ mɑɑ kɛɛsʋɣʋ Kɑlɑtɩ Yesu sɛɛlɑɑ kpekɑ tɔ.

²Pɑɑ mǝ tɑɑ wei ɩ́ lǝsǝɣɩ liɣitee kɛ cimɑɑsɩ cimɑɑsɩ nɑ pǝ́ kɛɛsǝnɑ ɩsǝnɑ mpi ɩ hikɑɑ tɔ nɑ ɩ́ sɩɩkǝnɑ ɑ mpɑɑ. Ye mɑ kɔmɑ mɑ́ tɑlɑ, pǝ́ tɑɑ wɛɛ sɩ ɩ́ kɔnɑ mǝ kʋhɑʋ mǝ kʋhɑʋ.

³Mɑ́ kɔmɑ mɑ kɔɔ mɑɑ tili yǝlɑɑ mpɑ ɩ́ kɑ́ lǝsɩ tɔ nɑ mɑ́ lɑ-wɛɣɛ tɑkǝlɑɣɑ nɑ pɑ́ kpɛntǝnɑ mǝ kʋcɔɔʋ nɑ pɑ́ ponɑ Yosɑlɛm.

⁴Nɑ ye pǝ tɩɩ wɛɛ sɩ mɑ́ɑ́ ponɑ, pɑɑ sɩɩ-m nɑ mɑ́ nɑ-wɛ tǝ́ polo.

⁵Mɑɑ kɔɔ mǝ tɛ te, ɑmɑ Mɑsetoni tɛtʋ tɑɑ kɛ́ mɑɑ tǝŋnɑ nɑ pǝ́cɔ́ mɑ́ kɔɔ. Ɩsɩɩ mɑ tǝŋnɑ Mɑsetoni nɑ pǝ́cɔ́.

⁶Ntɑnyɩ mɑɑ cɑɣɑ wɛɛ nɑɑlɛɣɛ mǝ tɛ. Pǝ tɑ tɩɩ sǝŋ tǝcɑ, hilimɑtɛ wɑɑtʋ tǝnɑ mɑɑ wɛɛ, nɑ mɑ́ tɩɩ kɔmɑ sɩ mɑ puki pɑɑ timpi, ɩ́ kɑ́ sǝnɑ-m kɛ́ nɑ mɑ́ polo.

⁷Pǝ tɑɣɑ pʋlʋ, mɑɑ cɑɑ sɩ pǝ́ wɛɛ sɩ tɛɛʋ tɑɑ kɛ́ mɑ tǝŋɑɑ nɑ mɑ́ nɑ-mɛɣɛ kʋnɑʋ. Mɑ tɑɑ wɛɛ sɩ ye Tɑcɑɑ luɣu ɩ́ lɑpɑ, mɑ́ tɑlɑɑ mɑɑ cɑɣɑ mǝ tɛɣɛ wɛɛ nɑɑlɛ.

⁸Pɑɑ nɑ mpʋ mɑ hʋʋ sɩ Ɩfeesu tɑɑ cǝnɛɣɛ Pɛntɑkɔntɑ kɑ́ mɑɣɑnɑ-m.

⁹Pǝ tɑɣɑ pʋlʋ tɔɔ, pɑɑ nɑ kolontunɑɑ tɔɔ cǝnɛ tɔ, pǝ hɑ-m mpɑɑʋ kɛ teu kɛ́ sɩ mɑ́ lɑ tǝmlɛ sɔsɔɔlɛ.

¹⁰Timotee ɩ́ kɔmɑ ɩ tɑlɑ, ɩ́ mʋ-ɩ teu nɑ ɩ lɑŋlɛ hɛɛ. Pǝ tɑɣɑ pʋlʋ, ɩ lɑkɩ Tɑcɑɑ tǝmlɛ kɛ teu kɛ́ ɩsɩɩ mɑ lɑkʋɣʋ tɔ.

¹¹Nɔɣɔlʋ ɩ́ tɑɑ kpɛɛnɑ-ɩ. Ɩ́ sǝnɑ-ɩ nɑ pǝ sǝnɑ-ɩ ɩ mpɑɑʋ tɑɑ nɑ lɑŋhʋlʋmlɛ nɑ ɩ́ mǝlɩ mɑ cɔlɔ, mɑ́ nɑ tɑ́ tɑɑpɑlɑɑ tǝ tɑŋɑ-ɩ kɛ́.

¹²Ye tɑ́ tɑɑpɑlʋ Apɔlɔɔsɩ tɔm ɩlɛ, tɑm kɛ́ mɑ kɑɑnɑ-ɩ sɩ ɩ́ nɑ tɑ́ tɑɑpɑlɑɑ lɛlɑɑ pɑ kɔɔ mǝ tɛ. Amɑ ɩ luɣu fɛɩ pɑɑ pǝcɔ sɩ ɩ́ kɔɔ nɔɔnɔɔ. Amɑ ɩ́ hikɑ pǝ kʋyɑkʋ ɩ tɛŋ ɩ́ kɔɔ.

¹³Ɩ́ feŋ nɑ ɩ́ tɔkɩ Ɩsɔ sɛɛʋ mpɑɑʋ kɛ teu. Ɩ́ nyɑɣɑ ɑpɑlʋtʋ, ɩ́ nyɔɔ toŋ.

¹⁴Pɑɑ mpiɣi ɩ́ lɑkɩ ɩ́ lɑ tǝmɑ sɔɔlʋɣʋ tɔɔ.

¹⁵Ntɔŋ ɩ́ nyǝmɑ́ Sǝtefɑnɑsɩ nɑ ɩ nyǝ́mɑ nɑ? Ɩ́ nyǝmɑ́ sɩ Akɑyi tɛtʋ tɑɑ mpɛ pɑ cɑɑlǝnɑ Ɩsɔ sɛɛʋ mʋɣʋ, nɑ pɑ lɑpɑ Ɩsɔ yǝlɑɑ pɑɣɑlɛ kɛ kookɑlɩ. Mɑ tɑɑpɑlɑɑ mɑ heeliɣi-mɛ sɩ,

¹⁶yǝlɑɑ ɩsɩɩ mpɛ nɑ pɑ tǝnɑ mpɑ pɑ́ nɑ-wɛ pɑ ɩsǝlɛ sɛɛnɑ tǝmlɛ lɑpʋ tɔ, ɩ́ tǝŋǝɣɩ nti pɑ heeliɣi-mɛ tɔ.

¹⁷Mɑ lɑŋlɛ hɛɛnɑ Sǝtefɑnɑsɩ nɑ Fɔɔtunɑtusi nɑ Akɑikusi pɑ kɔntɛ kɛ́. Ye mɩɩ wɛnnɑ mɑ kiŋ timpi ɩ́ kɑɑ ɩ́ sǝnɑ-m tɔ mpɛ pɑ kɔmɑ ɩlɛ pɑ sǝnɑ-m yoo.

¹⁸Pɑ kpɑɑsɑ mɑ ɑpɑlʋtʋ ɩsɩɩ pɑ kpɑɑsʋɣʋ mǝ nyǝntʋ tɔ. Yǝlɑɑ ɩsɩɩ mpʋ pǝ tɑkɑ kɛ́ pǝ mʋnɑ ɩ́ sɑŋ teu.

¹⁹Asii tɛtʋ tɑɑ Yesu sɛɛlɑɑ kpekɑ sɛɛ-mɛ. Akilɑɑsɩ nɑ Pilisilɑ nɑ Ɩsɔ sɛɛlɑɑ mpɑ pɑ kotiɣi pɑ tǝyɑɣɑ tɔ pɑ hɑ-mɛɣɛ Ɩsɔ sɛɛlɑɑ sɛɛtʋ kʋpɑntʋ.

²⁰Tɑ tɑɑpɑlɑɑ tǝnɑ mpɑ pɑ wɛ cǝnɛ tɔ pɑ sɛɛ-mɛ. Ɩ́ sɛɛ tǝmɑɣɑ teu nɑ ɩ́ lɛlɩ.

²¹Pɔɔlɩ mɑ́ mɑ mɑɣɑmɑɣɑ mɑ niŋ kɛ mɑ ŋmɑɑnɑ tɔm tǝnɛ sɩ mɑ sɛɛ-mɛ.

²²Ye wei ɩɩ cɑɑ Tɑcɑɑ, mpusi ɩ́ tǝŋɩ-ɩ. Mɑlɑnɑtɑ, Tɑcɑɑ kɔɔ mpʋ.

²³Tɑcɑɑ Yesu ɩ́ lɑ-mɛɣɛ pɛɛlɛɛ.

²⁴Yesu Kilisiti tɔm tɑɑ mɑ sɔɔlɑ mǝ tǝnɑɣɑ.