GUNALAIA TAUDIA 6:36-40

³⁶Vadaeni Gideona ese Dirava dekenai ia hereva, ia gwau, “Oi ese lauegu imana dekena amo Israela do oi hamauria, oi gwau, ani?

³⁷Mani emui kara, oi itaia, lau ese mamoe ta ena kopina mai huina be uiti kwadia gabuna ena tano dekenai do lau atoa. Bema ranu ese unai mamoe huina ia hapariparia, to ena badinai tano be ia kaukau, do lau diba momokani oi ese lauegu imana dekenai Israela do oi hamauria.”

³⁸Vadaeni unai bamona ia vara. Gideona be daba maragi neganai ia toreisi, mamoe ena kopina ia gigia, disi ta be unai mamoe huina dekenai ia noho ranuna dekena amo ia hahonua.

³⁹Gabeai Gideona ese Dirava ma ia hereva henia lou, ia gwau, “Mani emu kara, do oi badu lasi lau dekenai. Lauegu noinoi tamona ma do oi abia dae. Unai mamoe ena huina mani do lau tohoa lou, nega tamona sibona. Mani emui kara mamoe ena huina do ia kaukau, to ena badinai tano be ranu dekenai do ia paripari.”

⁴⁰Unai hanuaboi lalonai Dirava ese unai bamona ia karaia. Mamoe huina be ia kaukau, to tano ibounai be ia paripari.