Te Israel Tobolu Bidi Dabe 6:36-40

³⁶Tama Gideongo Godiba te po wai, “Nago po weyu, te nago ena bomo mobaso, te Israel dabe tau sagameo po wai.

³⁷Tialima, eno te kibu sipsipgo tigi nisi meba te tǫba muaibao, te dago te wit haluyu agabo madi te tama tiaibao. Te kigamu te wę segeni naga te sipsip niside elalu, tama te tǫde wę segeni me elalusiąbaso da, teda eno mu koneama, te nago homugo eno te Israel dabe tau somainu te tiwai po nago wali gilama te sę yali te homu yaibao.” Gideongo Godibolo te po wai.

³⁸Tama te naide te tiwai sę pedelali. Tama Gideon te kigamu digi mu hodaluama, tama agai te sipsip niside elaluali ąį segeni sela sąwani. Tama te węgo te dwasianu pou me deli pągąwai.

³⁹Nosali Gideongo Godibolo te po ma wai, “Genuai Bidi, nago ena dali wado po wabo homu me elamuo, eno deli sogo digi ma po miabo homu ebao. Eno homugo nago enabolo te sipsip nisi deli sogo ma usu somainu yabo po eno nage dali omainu yao. Eno homugo te sipsip niside ąį segeni ebo te niside elalugobeo, tama te tǫde naga te ąį segeni elalumainu homu yai.” Te po wai.

⁴⁰Tialima, te sogo hulide Godigo te tama tiwai naga ilali. Te sipsip niside te ąį segeni elalubeo, tiali goli te tǫde da, te ąį segeni elaluali.