Gôliŋwaga 6:36-40

³⁶Go Gideon kêsôm gêdêŋ Anôtô gebe “Aôm embe taêm ênam gebe ônam lau Israel kêsi ŋa aê lemoc amboac tê kôsôm nê,

³⁷naŋ ôlic acgom, aê gaja domba ŋaôlilu gêc gamêŋ aka polom ŋa. Êndêŋ eleŋ ŋa embe maniŋ ênêc domba ŋaôlilugeŋ ŋaô ma nom ŋakeleŋ, go jajala êndêŋ tonaŋ gebe aôm taêm kêka aê ŋanôgeŋ, gebe ônam lau Israel kêsi ŋa aê lemoc, amboac tê kôsôm su nê.”

³⁸Biŋ tau ŋanô kêsa. Gêdêŋ taŋ Gideon gêdi sa gêdêŋ bêbêc kanucgeŋ naŋ, eŋ kêpip ŋaôlilu tau ma kêmôgiŋ kêsêp laclu teŋ e mêŋgêc.

³⁹Go Gideon kêsôm gêdêŋ Anôtô gebe “Têmtac ŋandaŋ êndêŋ aê atommaŋ, aê jasôm biŋ tageŋ tonec êwiŋ. Aê jateŋ aôm gebe jansaê domba ŋaôlilu ŋalêŋ tageŋ êtiam. Ôŋgôm ŋaôlilu ŋakeleŋ ênêc ma maniŋ êsêp nomgeŋ.”

⁴⁰Ma gêdêŋ gêbêc Anôtô gêgôm amboac tonaŋ. Ŋaôlilu ŋakeleŋ ma maniŋ kêsêlô e gêjam nom auc.