Soukapwüng 6:36-40

³⁶Mürin, Kition a üreni Kot, “Are en kopwe angasa Israel rei, usun ka fen apasa,

³⁷nengeni, iei üa isenätiu och ülöülen sip won ewe lenien wichiwich umwun wiich. Are epwe wor amurenipwin won ewe ülöülen sip echök, nge won unusen ewe pwül epwe pwasapwas, mürin üpwe silei pwe en kopwe angasa Israel rei, usun ka fen apasa.”

³⁸Iwe, a fis iei usun. Lupwen Kition a pwätä lesosorusichin sorotän ewe rän, a unguti ewe ülöülen sip, nge ükükün ewe koluk a ungutawu seni a aura eu sepi.

³⁹Mürin, Kition a üreni Kot, “Kose mochen kosap song ngeniei, nge kopwe mwüt ngeniei pwe üpwe pwal kapas fän eu. Kose mochen mwüt ngeniei pwe üpwe föri pwal eu sosot ren ei ülöülen sip. Üa tüngor pwe epwe pwasapwas won ewe chök ülöülen sip, nge won unusen ewe pwül epwe chöchön ren amurenipwin.”

⁴⁰Iwe, Kot a föri iei usun lon ewe pwinin. Pun won ewe ülöülen sip a pwasapwas, nge won unusen ewe pwül a chöchön ren amurenipwin.