36मिनु गिदोनमी परमप्रभु कली “गे देंनी बुदी आं कली इस्राएली आन कली प्रोंइब सेल्तीनी हना,
37गो भेडा आ ऊन कली खलामी वोइक्नुङ। मेको खला ङा ऊन कली ला सीतमी जिश्शो नु एर ओंथ ङा खप चहिं मजिश्शो बाक्त हना, इन देंशो लोव़, गे इस्राएली आन कली प्रोंइचा, दे आं कली ब्रेत्तीनी, देंशो लोव़ थमा बाक्ब, दे तुइक्नुङ” देंमाक्त।
38मिनु मेको आ देंशो खोदेंशोन दुम्माक्त। मेको आ सुनी बोक्शा मेको ऊन रे चिरशा, बोस का ब्वाक्कु ग्रुंइदा बाक्त। एर ओंथ ङा खप चहिं मजिश्शो बाक्माक्त।
39मिनु लेंशा गिदोनमी परमप्रभु कली “गो नु मगाइक्तीन। मिनु आं कली चिनु लोव़ का देंचा गेन। गो इन कली लेंशा पुंइनुङ। आं कली खेयप का मेको ऊन सोव़शो नु एर ओंथ ङा खप चहिं जिप्पाइश्शा कोंइदीन” देंमाक्त। उत्पत्ती १८:३०
40मिनु परमप्रभुमी मेको नाक्दो यो गिदोन आ देंशो खोदेंशो पवा बाक्त। खप ला जिम्माक्त, मेको ऊन चहिं सोव़शो बाक्माक्त।