1Mana niani luwa hiliana Sairus wa xaitamoxi mana Pesia, Urana sina haruanga tela na Danyel, yang xan tela Beltesasar. Haruanga baguli maxung sibuna, saing harua mana bunging dianoa bagula sok. Haruanga baguli sok mana Danyel mana axamandi bila mibingua baxanga saing bungina bagu mibingia ina xabia haruanga namuxinoa.
2Mana niani luwa hiliana Sairus wa xaitamoxi, nga Danyel gamogua mauxang sibuna saing nga ngatang sanga mana Sande luwa hiliana.
3Mana Sande luwa hiliana ngaxang anginga xai tela te xaung asaxa tela te. Nganung wain te xaung ngahamaringia toxologudi (hair) monga te.
4Tauna xaidap 24 mana sobak mugamugangam mana niania baguli nga ngali lang sabanga Taigris rubinia.
5Nga ngabagu mala eta lo saing ngabagu lipu tela sau imang xaung waxu tela ditongtongia mana gol.
6Aningonoa lu sibuna bila siang xai sibung tela lu mua. Ramramona lu bila mugap lulianoa sau, saing maxandi dilu bila nagung. Rimana xaung kina bila bras ding diburi. Saing ngalungu ina harua sabanga sibuna bila bakbak sabanga daharua.
7Nga ganigu ngabagu axa baguli bila mibinga lipu duwa rangua nga dibagu axamang tela te baing dimaxuwa saing diluki mala dihisa.
8Tauna nga ganigu ngawa saing ngabagu axa baguli xan tela sibuna. Nga bagu axa baguli bila mibinga saing haringingagua sup saing ramramogua xugia sibuna.
9Tauna ngalungu lipua bagu lo harua. Saing bungina ngalungu waxungtuanoa, maxagu disaga (raun) saing xung nga mari titia bila lipua mati saing kinu matabu.
10Saing ngaxunumia lipu tela rimanoa tuxunga saing iti salanga, saing ngali rima tuxunia (elbow). Ne ngamoxuauyu saing ngalulu matabu.
11Tauna lipua baguli harua nanga bila, Danyel, Urana muruna naung buk. Ung umesa uli saing uta tangalia xai mana haruangua nga bagula ngaharua naung. Urana soxinga ma maung. Ina harua masup mana nga ngamesa ngali ne nga ngaluluyu.
12Baing ina harua muli bila. Danyel, labu umaxuwa tai mana xaidap ung ungguti mana utatuaung (daunim) ung sibum oxop xabianga mana axamang longgalo Urana libu. Urana lungu hananiangama saing soxinga ma.
13Ngabo ngama sap, ne Urana uleginam ina wasa mana titia Pesia ina bili sanga mana 21 xaidap. Ina libu bila baing Urana uleginam mugamugangam tela, yanoa Maikel, ina ma ba haulinga mana baraxinta ina bagunga nga ganigu nga wa rangua xaitamoxi Pesiam, saing lipu tate mana dahaulinga.
14Nga ngama ba ngaxabia haruanga naung mana axamandi bagula disok mana haing lipu mana bungina xaidap kimuama sok. Ubagu masup axamandi bagula disok mana bungina baguli, hatata bagula ngahatanga mana axamang xan teladi bagula disok.
15Bungina ina harua bila nga ngabagu mana titia ne suxungugua mumguti.
16Tauna mana lipua baguli taininau bila kira lipu titiamdi. Ina ta rimandi suxungugia saing ngamanganga (opim maus) baing ngabaxanga na bila lipu sabanga ngabagu mibinga baguli saing ngamaxuwa. Saing haringingagudi disup.
17Saing bagula ngalibu haruanga baruamta naung? Nga bila lipu oxatam ngali lipuxing sabanga maxania. Nga ngaxola haringinga saing nga sanga haringinga te ba ngayaga.
18Tauna lipua baguli tuxunga muli saing ngaxap haringinga muli.
19Saing bala nga bila, Urana muruna maung buk. Bagula gamoma wa mosi saing ung labu umaxuwa tai. Ung bagula uli haringina.
20Saing ina harua bila, ung uxabia baruta ning ngama ranguang? Nga ba ngabaxanga rangrang (klia) haruanga teladi dibungdi xailongia haruanga sibunamdi. Ne nga sanga ba ngawa maxaxaya te. Bagula ngagoxoya mala muli sap bu haung rangua Urana uleginam ina bagu titi sabanga Pesia. Saing bungina haungingua sup, Urana uleginam bagu titi sabanga Grik bagula sok tela haulinga te. Maikel, ina Urana uleginam wasa mana Isrel longgalo. Ing ganing sibuna haulinga.
