1Bungina Belsasar wa xaitamoxi Babilongam, ina tongtongia anginga sabanga. Ina wagi lipuxing sabanga dima mana xangingua xaung dinung wain rangua. Lipu haringina bagudi li titingadinga bila 1,000.
2Ding dinung mua ba baing Belsasar harua na lipuxing oxatam daxap xuba gol xuang silba saing daxapdi man. Xubadi bagudi li tibuna Nebukadnesar xapdi Urana Numania Yerusalem saing xoxidi ma Babilon. Xaitamoxi bo ba ina xaung lipuxing sabanga xaung haining sibundi xaung maxixinga luwa haingdi mana ina bakbagindi ding sibuding bagula dinung wain mana xuba baguli.
3Tauna, lipu oxatam daxap xuba gol saing dahaxa ma lipuhaing longgalo dinung mana xuba bagudi li.
4Baing dinung wain mana saing diti urandi ditongtongiadi mana gol, silba, bras, ain, xai xaung siang.
5Tauna, lipu tela rimanoa sok ramangia mana rangua saing bung etua ramangia mana rubina nagunga lu sabanga xaitamoxi bagu sabasabia rima baguli.
6Xaitamoxi moxua haringing sibuna. Ramramonoa xugia saing haringinganoa disup saing tuang longgalo dilulu.
7Baing wagi haringina manadi bagula daharua na lipu xabiangam mana axamandi bagula disok. Ding dima masup, tauna xaitamoxi baladi bila, “Nabu lipu tela sanga mana titi haruanga baguli baxanga namuxinoa nanga, tauna ngata xaitamoxi imanging sabuxanoa mana. Baing ngata waxu gol waxungtuania ba wa yaya sabanga. Baing sok yanam 3 mana lipu haringina nanga.”
8Baing xaitamoxi harua bila na lipuxing xabiangam longgalo. Tauna sanga mana tela sanga'm titi haruang bila li? Saing dingia tela sanga mana baxanga na xaitamoxi mana haruanga namuxinoa te.
9Tauna, xaitamoxi Belsasar moxua haringing sibuna saing ramramonoa xugia moxuauyu saing lipu haringindi ayangading sibuna namua sanga ba dilibu axamang tela tate.
10Xaitamoxi bauna lungu bibingua, xaitamoxi xaung lipuxing haringindi dilibu baing ina luxu ragu angingam. Saing ina harua ba, “Xaitamoxi, ung bagula uwa xai bungingbunginalo. Ung labu uyunga axadi bagudi li libung ayangam saing libu gamoma doa.
11Ulungu lipu tela wa titi sabangia raungaung ba. Saing Urana haringindi disina hatuminga xai na. Bungina tibum wa xaitamoxi, ina bagu lipua baguli xabiangam xaung hatuminga xaiam. Saing xabianganoa sabanga sibuna sanga mana urana xabianganoa. Baing tibum xaitamoxi Nebukadnesar mogu wa lipu toxona mana lipu xabiangam xauna lipu xangxang xabiangam longgalo iniadi. Tibum ba libu bila li.
12Mana baraxinta lipua baguli xabianganoa xan tela sibuna. Sanga mana baxang mibinga namuxinoa xaung haruanga babuna, xaung axamandi duwa hisangia. Tauna bagula usina haruanga mala rangua Danyel. Xaitamoxi Nebukadnesar uxuba Belsasar. Saing xusunga ba ma bu baxanga haruanga namuxinoa wa maluxu ramangia ba.”
13Baing daxap Danyel maluxu ma saing li haxek rangua xaitamoxi. Saing xaitamoxi bala ba, “Ung, Danyel, ung Yuda lipuxing tela maxuna? Bala ung bakbakka Yuda mugau tibugu xaitamoxi Nebukatnesar bungina xap mama.
14Ngalungu ba urandi disina hatuminga xai sibuna naung saing xabiangama sok sabanga.
15Ne bungina ngawagi lipu xabiangamdi ma bu dititi haruanga wa gamgamingia bu dibaxanga namua nanga ne ding sanga tate.
16Ne ngalungu ung sanga ba usok mana baraxinta hisa saing ung sanga ba utitit haruanga bu ubaxanga namua nanga. Bina ngata xaitamoxi imanging sabuxana xaung seng gol mana waxungtuama, bu usok yaya sabanga. Bina usok bila lipuxigu sabanga tela mana gapmanga rangua nga.”
17Baing Danyel haxuya haruanganoa ba, “Tegu, nga sanga ba ngaxap yahangadi ranguaung te. Na murum bing usinadi na lipu tela. Ne xaitamoxi hatata bagula ngatiti haruanga namua bu ngabalaung mana.
18“Ulungu. Urana Eta lo Sibuna ina haringia tibum Nebukatnesa sok xaitamoxi. Ne ina sok yayam, yanoa sabanga taxa eta lo.
19Ina haringinganoa haring sibuna, saing haing lipudi mana titi longgalo xaung bakbak longgalo mana haruanga xang xana dimaxuwa saing dilulu. Ne ina bo ba ung lipu tela ina sanga ba ung. Ne ina bo ba yunga lipu tela wa ina sanga ba yunga wa. Ne ina bo ba iti lipu tela yanoa ina bagula libu bila ba. Ne ina bo ba tatua kimbo hanggalangia lipu tela ina bagula lipu bila ba.
20Ne tibum hatum ba ina naga, saing ina tongtongia dudu xang xana, saing Urana hitixiya xaitamoxi mana saing yaya sabanga xung mari.
21Urana tongtongia hatuminganoa sok bila asaxa hatumingadingdi, saing haing lipu dihitixiya, saing ila wa rangua donki abungindi saing xang tatubang rangua bulmakaudi, saing yambong langindi diri mana. Baing kimuya ma xabia ba, Urana eta lo wasa mana haing lipudi. Mana ina murunganoa, ina mogu lipu disok xaitamoxi.
22“Ung Nebukatnesa garanoa saing uxabia axadi bagudi ba. Ne ung ba utaung mari tate. Tegu.
23Ung bungina uhatum ba uiti yama ing ganina, saing uta sabanga sabalunia yanoa mari. Ung bungina ubala lipu oxatamdi saing daxap xuba tibum axap Urana Numania. Ne unggu gabu lipuxim haringindi xaung ang sibuim hainimdi, xaung haing bakbak luwadi ranguang, ang longgadi bungina anung wain mana xuba ba. Saing ang bungina aiti uranadi lipu ditongtongia mana gol xaung silba xaung bras xaung ain xaung xai xaung siang. Ne uranadi sanga ba dibagu te xaung dilungu haruanga te xaung daxabia axamang tela te. Urana ing ganina bagula wasa mana ung walingama xaung baraxinta utongtongia. Ne ung sanga ba uiti yanoa tate.
24Baing Urana sina rimandi ma saing bung haruanga ba.
25“Haruanga bila li: MENE, MENE, TEKEL, PARSIN
26“Ne haruanga namua ba: Mene: Urana titi ba xaidapdi baru bagula ung guwa xaitamoxi.
27Tekel: Urana ina xugia ung kubolumga ba, ne kubolumga ba hatanga ba ung gutongtongia kubolu xai tate.
28Peres: Urana bagati titia ma saing sina hataina ila na Midia ne hataina ila na Pesia.”
29Xaitamoxi Belsasa lungu haruanga baguli saing bala lipudi ba dita xaitamoxi imanging sabuxana mana Danyel xaung seng gol mana waxungtuana. Ne xaitamoxi tongtongia Danyel ba sok yaya tuwa, mana ina gugunianganoa.
30Baing mana yambongga bau Midiadi dima saing dung Belsasa, xaitamoxi Babilongam,
31baing Dairus Midiam sok xaitamoxi saing wasa mana titia. Dairus nianindi 62 bungina sok xaitamoxi Babilonggam.
