1Nebukatnesa sina haruanga mala na haing lipu longga mana kantri xaung mana bakbak longga mana haruanga longgalo. Mana ina haruanganoa baing, Ang longgalo bagula awa xai!
2Hatata nga ba ngaharua nang mana axamandi Urana Etua'm Sibuna ina hatanga nanga.
3Urana hatanga axamang sabanga longgalo nakira, saing ina haringing sibuna! Ina bagula wa xaitamoxi bungingbunginalo.
4Nga Nebukatnesar, nga ngarung mosi mua numagia baing ngabagu nga oxatagudi disok xai buk baing nga xalingigu xumana baing ngayaha matabu.
5Yambong tela ngamip baing ngamaxuwa haringing sibuna.
6Tauna, ngaharua na lipu xabiangam longga Babilon bing dima dibaxanga mibinga namuxinoa nanga.
7Baing lipu xabiangam longgalo dima ngaharua nadi mana mibinga baguli, baing ding sanga ba dibaxanga namuxinoa te.
8Kimuya Danyel ma. Nga ngasina yaya Beltasasar na lo. Ala baguli urana ngayua yanoa. Urana haringing longga disina hatuminga na Danyel baing ngabala mana mibingagua ngabala bila.
9Ngaharua ba, “Beltesasar, lipu toxona mana ding lipu xabiangamdi, nga ngaxabiadiu urana haringina disina hatuminga naung xaung axamang teladi dihisa maung. Tauna, alungu mana mibingagua hatata ung bagula ubaxanga namuxinoa.
10Bungina ngakinu ngamip bila. Ngabagu xai maxaxaya tela lia titi hataing longgalo.
11Ina sok sabanga saing toxonoa ila sibuna sabalunia sanga mana lipu longgalo mana titi hataing longgalo ding dibagu.
12Xaiya baguli long xumang xai xaung uwa aningong xumana sanga'm lipu xang asaxa longgalo daxang. Asaxa abunging longgalo dima diyagua maluxu mana saing mangdi ditongtongia numa etua mana rimandi, saing axamang longgalo daxang aningondi.
13“Ngahatumguyu mana mibingua saing ngabagu ensel tela rima sabalunia. Ina ensel tela wasa mana axamang longgalo.
14Ina wagi haringina bila: ‘Atui xaiya bagu ba bu galaina mari saing axim rimandi aunia xaung londi, saing ating marandi olang olang maiyua, hitixiya asaxa duwa maluxu mana xaiya bagu ba xaung mangdi duwa mana rimandi.
15Tauna, ayunga namua matabu titia liwe mana tatubangdi saing axap ring ain bras ata mana namuya ba. “ ‘Ayunga lang yambonggam ri etua mana ayunga ina sai tatubang bila asaxadi.
16Ina sanga ba hatum muli bila lipudi baing ina bagula hatum bila asaxadi sanga mana niani tuwa tuwa hiliadinga.
17“ ‘Enseldi duwasa mana axamandi ding daharua mana axamang longgalo bing disok, mana lipu longgalo daxabia Urana Etua Sibuna wasa mana haing lipu saing muruna mana ing sibuna, ina mogu lipudi disok xaitamoxi heku diyaya sabangam xaung lipu xoliana.’
18“Baing ina harua na Danyel bila, ‘Ngabalaung masup mana mibingagua. Tauna, Beltesasar hatata bagula ubaxanga mibingua namuxinoa mana baraxinta lipuxigu xabiangam tela sanga mana baxanga nanga te. Ung bina sanga Urana haringindi disina hatuminga naung.’ ”
19Baing Danyel xabia mibinga namuxinoa masup. Baing ina yaha tate ba baxanga na xaitamoxi. Baing xaitamoxi bala bila: “Beltesasar, ung labu usauya mibinga baguli bu namuxinoa sina mauxanganoa.” Tauna, Beltesasar harua ba, “Xaitamoxi nga murugu te ba axamang longga mibingua baxanga labu sok maunggu tai. Nga murugu ba ding disok maung sibum.
20Ung gubagu xai sabanga tela. Toxonoa ila eta sabalunia, saing lipu longga titia dibagu ina londi xai sibundi.
21Ina londi xai sibuna buk, ina aningong xumang sibuna sanga mana lipu xaung asaxa daxangdi. Asaxa abunging longgalo dima diyagua maluxu mana, saing mangdi ditongtongia numa mana rimandi.
22Xaitamoxi, xaiya baguli tubaung ba. Ung goxop yaya sabanga sibuna mana lipu haing longga maxadingia xaung ung haringingama. Ung guwasa mana lipu haing longgalo mana titi hataing longgalo.
23“Ung, O xaitamoxi, ubagu uleginam tela ina wasa mana axamang longga ma sabalunia saing ina harua ba, ‘Atui xaiya ba mari saing ahanggalangia, ayunga namua li titia liwe mana tatubang longgalo. Axap ring waxu xaung bras uta namuia ayunga long yambonggam diri etua mana. Ayunga wa rangua asaxa longgalo sanga mana niani 7.’
24“Xaitamoxi mibinga namuxinoa bila Urana etua'm sibuna harua mana axamandi disok maung:
25Ung bagula usauya lup haing longgalo yabadinga baing bagula ula uwa rangua asaxa abungindi. Bagula oxong tatubang bila bulmakau. Baing bagula uking lang yambonggam bagula diri etua maung sanga mana niani 7. Ung bagula uwa bila ba sanga mana uxabia ba Urana Etua'm Sibuna wasa mana lipu haing longgalo mana ina murunganoa ina mogu lipu disok xaitamoxi.
26Ulungu uleginam harua ba uyunga xai namua wa mua titia namuxinoa bila: Bungina uxabia xai bila, Urana ing ganina wasa mana axamang longa titia, tauna bagula usok xaitamoxi muli.
27Baing bungina usok xaitamoxi muli ngabo tai ulibu bila hatata ngaharua naung ba. Ung labu ulibu labiana muli tai. Ung bagula ulibu kubolu maringina. Baing ubagu kubolu xai mana lipu haing longga diyaha mana amaxang teladi. Nabu ulibu bila, tauna ung bagula uwa xai axamang longga ulibudi bagula duwa xai.”
28Kimuya axamang longga disok rangua xaitamoxi Nebukadnesar bila Daniel harua ba.
29Sobak 12 dila disup, baing xaidap tela xaitamoxi haxa etua sabasabia mana numanua Babilon,
30baing harua ba, “Babilon long sabanga saing ngayaha mana sibuna mana nga haringingagua ngaiti long sabangga baguli.”
31Ina haruauyu baing lungu haruanga ma sabalunia. Haruanga baguli bila: “Nebukadnesar, ulungu haruangagua. Titi sabanga uwasa mana hatata bagula nga ngahitixiya sanguang rimamia.
32Baing bagula dihitixiyaung baing ung labu uwa muli rangua hainglipudi tai. Bagula ula uwa rangua asaxa abungindi. Ung bagula oxong tatubang bila bulmakau sanga mana niani 7. Bagula uwa bila sanga mana uxabia bila Urana Etua'm Sibuna ina wasa mana lup haing longgalo mana ina murunganoa. Ina libu lipu disok xaitamoxi.”
33Baing hata sibuna li axadi bagudi li disok rangua Nebukadnesar bila uleginam harua. Hitixiya liwe mana lipu haing saing xang tatubang bila bulmakau. Hatung lengmandi diri etua sanggania baing buxan dimaxaxaya bila buntuk baing king guan disok maxaxaya bila mangdi.
34Bungina niani 7 sup, tauna nga Nebukadnesar ngaiti maxagudi mala sabalunia baing hatumingagua sok xai muli saing ngayaha mana Urana Etua'm Sibuna. Urana wa bungingbungina bila ngaiti yanoa xumana baing ngaharua bila Urana bagula wa xaitamoxi bungingbunginam.
35Baing bagu lipu titiamdi bila axamang olang. Uleginam xaung lipu titiam duwa hawa mana saing ina wasa manadi. Bungina bo ba libu axamang tela, sanga ba lipu tela bili te, saing sanga mana lipu tela xusunga bila li te: “Baraxinta ubo ulibu?”
36Mana bungina nga ngalibu haruanga baguli, hatumingagua sok xai muli. Baing nga ngaxap yaya sabanga muli saing ngaxap haringinga ba ngawasa mana titi sabanga waleu ngawasa mana ba. Lipu disina hatuminga nanga xaung lipu sabangadi xauna, dima duwa rangua nga muli. Baing nga ngawa xaitamoxi muli. Baing nga ngawa yaya sabanga sibuna ing dali yaya sabanga ngaxap waleu ba.
37Hatata nga Nebukadnesar, nga yaha mana xaitamoxi sabalunam saing ngaiti yanoa saing ngasina yaya sabanga na. Axamang longgalo ina tongtongia disok xai xaung maringing sibuna saing ina bo ba tatua lipu longga diti yading mana ding sibuding.
