1Mana niani tuwa Belsasar wa xaitamoxi, nga ngabagu axamang tela bila mibingadi.
2Mana mibinga hata sibuna li ngala ngasok mana longga Elem, saing ngali maluxu mana gamgaminga long sabanga Susa. Ngali haxek rangua langa Ulai.
3Ngabaguyu baing ngabagu sipsip moning (male) tela li langia. Ina salamdi luwa. Salaming mugamugangama maxaxaya. Ne salamga su mana mugamugangama maxaxaya sibuna.
4Ngabagu sipsip monina turu (daunim head) saing luki mala su axalaladi mana salamindi. Ina luki mala longga xaidaba ri, mana longga not xaung longga saut. Sanga ba asaxa tela soxauti xaung luki sunga (passby) te. Ina libu axamandi ina murungania saing ina sok haringing sibuna.
5Ngahatum xumang sibuna mana abagu li saing ngabagu meme moning tela yunga longga xaidaba ri saing ma. Ina luki haringing sibuna saing kindi digitiliau (gallop) titi ubunia. Ina salaming sabanga sibuna li lia mana maxandi.
6Bungina meme baguli bagu sipsipga la nga ngabagu li haxek rangua langa, baing meme baguli luki haringing sibuna mala rangua sipsipka ba.
7Ne ngabagu haunggana sipsipka ba. Ne meme baguli gamia haringing sibuna saing hasi tuandi saing luki maringina mala haing mana sipsip monina ba saing bagati (brukim) salaming luwadi. Sipsip monina haringingang tela ba hitixiya meme ba tate saing meme ting mari titia saing ruhatatai haringing sibuna. Ne axamang tela ba hauli sipsipka ba tate.
8Baing meme baguli yaha haringing sibuna saing hatanga haringinganoa. Ne bungina haringinganoa sok sabanga sibuna salaminoa bagatina (brukim). Ne salam luwa luwa disok mana longga salama galaina ba. Salam luwaluwadi ba sabanga sibundi. Salanga tela bagu mala rubina not, ne tela bagu mala rubina saut, ne tela bagu mala rubina xaidaba haing, ne tela bagu mala rubina xaidaba ri.
9Ne salam kaxukang haung tela sok etua mana salam luwaluwadi tela bila xai mumundi lo (new kru). Salam hauna ba haringinganoa sok sabanga sibuna. Saing tatua haing lipudi mana rubina saut xaung xaidaba haing, xaung mana titi xaiya Urana sina na lipuadi ba.
10Salamga sok haringing sibuna saing haunggana (pait long) hatungdi. Ne hatungdi dahaung bila ami soldiamgadi duwa sabalunia lo. Ne salamga ting hatung teladi mari titia saing ruhadi.
11Ne xauna salamga tuba ba tatua xaitamoxi amiamga sabalunia mari. Ina sahi kuboluna tongtongia hananiangua mana xaitamoxia ba, ne ina hanggalangia numa lo haing lipudi disabu mana xaitamoxia ba.
12Haing lipudi ditongtongia kubolu diana, baing salamga xap haringingga ba tatua ami sabalunamgadi mana kubolua tongtongia hananiangua bungingbungina lo. Ne Urana haruangandi maxung sibunamdi, ne salamga bagu ba yamusia (no laik harim toktok) haruanga bagu ba ne haing lipudi sanga ba dinaxu mana te. Alala longga salamga bo ba tongtongia ina bagula tongtongia.
13Baing ngalungu Urana lipuxing oxatama harua, ne Urana lipuxing oxatam tela xusunga ba, alala doyandi tabagudi hatata li, bunging baruamta ding disup. Bunging baruamtadi haing lipudi ditongtongia hananiangua mala ruangua Urana, ne bunging baruamtadi kubolu diana sup mana alaladi hanggalangiadi ba. Bunging baruamta salamga haringinganoa sup, bu sanga ba hanggalangia numa sabungam xaung ruha ami sabalunamgadi ba kinia ba te.
14Ne Urana lipuxing oxatam bagula harua, ina bala nga ba, Ala axamang diana bagu ba ding sanga ba ditongtongia hananianga tela buraragina xaung bungbung bila waleu ditongtongia ba te. Bungina bagu ba sup baing dahamaringia Urana Numanoa bu ditongtongia hananiangua muli.
15Nga Danyel, ngabaguyu mana mibinga baguli saing ngaxap hatuminga haringing sibuna ba ngasok mana namua. Baing hata sibuna liu ngabagu lipu tela li haxek rangua nga.
16Ne ngalungu waxutua mana lipu tela wagi lia mana langga Ulai saing harua ba, Ensel Gebirel ung gubaxanga axa li namua Danyel bagu ba.
17Baing Gebirel ma li haxek rangua nga saing ngamaxuwa haringing sibuna mana, saing xung nga mari saing ngata ramramogua mari titia. Ne Gebirel bala nga ba, Ung lipu olang, ne nga ngabo ba ung guxabia mibinga li namua. Mibinga li harua mana baraxinta bagula sok kimuya.
18Ina haruauyu, bing nga maxagudi digolim (raun) saing xung nga mari titia. Baing tuxunga saing itinga mesa ngali.
19Ne ina harua ba, ngabo ngabalaung mana axadi dibo disok mana bungina ati saliana rangua Urana bo ba sup, haxek bungina Urana mogu masup mana xaidap kimuam. Alaladi bagula disok bila ung gubagudi mibingia ba.
20Ung bungina ubagu sipsip moning tela salamindi luwa. Ina mogu titia Midia xaung titia Pesia.
21Ne meme la bungina ubagu ba, ina mogu titia Grik, ne salam sabangga li lia mana maxang luwadi ba, ina xaitamoxi mugamuga mana Grikdi.
22Ung bungina ubagu salam sabanga galaina ba, ne haunginga luwa luwa disok mana yabanoa muli. Namua bila baguli. Titia Grik bagula ututuina (brukim em yet) bu sok titi haundi luwa luwa. Ne sanga ba ding haringingading te bila waleu titia ututuing teguyu ba.
23Ne bungina titiadi bagudi li dibo ungdi mari baing haing lipudi ditongtongia kubolu sok diang sibuna, baing bungina bagu ba xaitamoxi tela bagula sok. Ina bagula lipu diang sibuna. Ina bagula lipu duduam xaung lipu murakkam.
24Ina bagula sok haringina saing hanggalangia ala lo xumang sibuna, ne ing sibuna haringinganoa te. Ne alala longgalo ina hatum ba tongtongiadi, ina bagula tongtongiadiu. Ina bagula hanggalangia lipu haringindi xaung Urana lipuxindi.
25Ina bagula wa lipu sibuna ba tuxu murak mana haing lipudi, ne mana murakmuragindi bagula dali. Ne mana ing sibung gamonoa, ina hatum ba ina mugamugangam sibuna. Haing lipudi dahatum ba ding duwa xaiyu, ne haxek sibuna ba mesa hanggalangiadi xumang sibuna. Ina bagula duduna saing bo ba haung rangua xaitamoxi sabanga dali xaitamoxi teladi ba. Ne bungina baguli lipu tela sanga ba hanggalangia tate, ne ina bagula doa.
26Nga bungina nganaxuya mibinga mana haruanga namu haruangamgu hananianga bungbunggam xaung buraraginam. Ne alaladi bagu ubagudi ba bagula disok. Ne la unaxuya mibinga ba na haing lipu xan teladiu tai, namua na adi bagudi ba sanga ba disok sap te.
27Ngalungu haruanga bagu ba, ne lugua mauxana haringing sibuna, ne bunging teladi ngabusi. Businga sup saing ngamesa saing ngagoxoya muli mana oxata xaitamoxi Belsasar bungina sina nanga ba. Ne nga hatumingagua waxata haringing sibuna mana mibinga bagu ba, ne nga sanga ba ngaxabia namua xai tate.
