Text copied!
CopyCompare
Urana Xuana - Danyel (Daniel)

Danyel (Daniel) 9

Help us?
Click on verse(s) to share them!
1Darius, Serksis garanoa, ina lipu mana titia Midia baing ina sok xaitamoxi mana titia Babilon.
2Ina wa xaitamoxi mana niani mugamugangam. Nga Danyel nga ngaititi Urana Xaliongindi. Saing ngahatum haringina mana Urana Xuana sina na lipu sintukkam Yerusalem. Ina harua ba Yeremaya bagula doa matabu sanga mana niani 70.
3Tauna, ngasabu mana Urana Sabanga gamogua usinga sibuna baing nga ngaxang te saing ngasau iriap usingangam saing ngata hayata (ashes) mana sanggagua. Nga ngawa bila saing ngasabu haringina mana Yesu.
4Saing ngaxugia Isrel haing lipu kuboluding diandi mala rangua Urana Sabanga ngayua. Nga ngaharua bila, Urana, sabanga ung taining sibuna saing am gaiti yama. Bungina unaxu mana kontrak ung gutongtongia ung murum sibuna mana haing lipudi muruding maung xaung disu mana haruangama.
5Am haing lipu diang sibundi. Am galibu kubolu diana maung. Am gahaxuya haruangama. Saing am galibu kubolu xai te xaung kubolu maringing te bungina wa harua namba am galibu.
6Am galungu lipuxim oxatamdi haruangadinga te. Alaing lipu sintukkam ding duxugia haruangama na xaitamoxi xaung lipu toxondi xaung mugangaroadi xaung haing lipu longgalo.
7Urana ung sabanga bagula ulibu kubolu maringina. Ne am kubolumam diandi daxap memeya sabanga mam Isrel longgalo. Heku am gawa Yudia kimbo Yerusalem kimbo long longgalo ung usinam mala bungina am gahaxuya haruangama. Memeya baguli taga sanggamamia.
8Xaitamoxidi xaung lipu toxondi amiadi xaung mugangamamdi dilibu kubolu diana maung.
9Am gahaxuya haruangama, ne ung Urana kubolu xaiyam ung bagula uyunga kubolumam diandi.
10Urana am galungu haruangama te saing am gasu mana kubolu ung murum mana. Am gasu mana bila ung gaharua nam mana lipu sintukkamdi suxungudingia. Alaing ung lipu lipuxim oxatamdi.
11Moses lipuxim oxatam disina hanaunaungadi nam. Saing ulibu haruanga haringina bila. Ung ulibu doa mam nabu am ganaxu mana hanaunaungamdi te. Ne am Isrel longgalo am gahanggalangia hanaunaungamdi saing am galungu haruangama te. Am galibu kubolu diana maung baing ina naga ulibu doa mam bila ung uharua ba.
12Ung ulibu axamandi ung gaharua ba ulibu mam ung bagula ulibu diang sibuna ulibu wagigia mua Yerusalem (raun long Yerusalem) saing uhanggalangia diang sibuna. Long sabanga tela ung uhanggalangia bila uhanggalangia Yerusalem ba.
13Am gaxap mauxangang longga bila ung guharua maluxu mana Moses hanaunaungandi. Ne hatata am gayunga kubolumam diandi te xaung am gaxusungaung ba gamoma xai mam saing am ganaxu mana haruangam sibuna te.
14Urana Sabanga ung guwa utongtongia ba uhaxuya kubolumam diandi. Saing hatata ulibudi masup. Mana baraxinta, ung Urana kubolu maringinam. Ne am galungu haruangama te.
15Urana amia ung guhatanga haringingama mana bungina uwa haruangia Isip saing ung oxopkam ma. Baing hatata haing lipu longga mana titi xangxana dahatumia oxata haringing longga ulibudi.
16Saing ubagu mauxangamam longgalo xaung kubolumam diandi xuang mugangamam dingiadi. Saing ung ulibu xai mam saing uhanggalangia titi Yerusalem. Saing haing lipu longga mana titia duwa haxek Yerusalem daharua daudaunga mana Yerusalem xaung ung haing lipuximdi. Baing am murumam ba labu ugamia muli mana Yerusalem tai. Mana baraxinta titi ungia ina li etua ung sibum bimbiximia. Namua na waleu utuxu oxata xai sibundi ba dahauliam. Saing am murumam ba ulibu bila ba muli.
17Urana ulungu hananiangagua saing ngaxusunga muli bila li. Nga bo ba taibu uhatumia yam sabanga saing uhamaringia muli numama bagu la dahanggalangia.
18Urana ulungu tinangimama, saing ubaguam. Ubagu mauxanganoa wa mam xuang mauxangana wa mana titi ungia. Am haing lipu maringing te, saing am gaxusungaung tegu. Am gaxabiau ung Urana kubolu xaiyam, baing ina naga am gaxusungaung.

19Urana ulungu hananiangamama, saing uyunga kubolumam diandi. Urana ulunguam bu uhauliam. Titia Yerusalem xaung haing lipu longga bagudi li ungiadi masup. Bagula uragu tai. Uhatumia yam sabanga bu uhauliam sap sibuna.
20Nga Danyel, ngasabuyu mana ngaunia kubolu diana manga xuang mana haing lipu longga Isrel, saing ngaxusunga Urana Sabanga ngayua mana rang numanoa muli etua mana bimbixinua.
21Nga ngasabu matabu saing Urana uleginam Gebirel baing ngabagu mana mibingagua mugamugangam. Ina oti mari ma mana longga bagu ngawa mana ba. Mana bungina baguli bunging hananiangam.
22Ina bo ba baxanga bu hamaringia hatumingagua saing ina harua bila Danyel ngama ba ngahamaringia hatumingama bina xabiangama xai sibuna.
23Danyel Urana muruna maung buk. Tauna bungina ubo ungguti hananianga, ina xugia haruanga tela. Ngama ba ngasina naung hatata uta tangamliana xai bu ngaxugia haruanga baguli namuxinoa naung bagu utiti ba.
24Urana mogu bunging 70 niani 7. Saing libu xia muli mana haing lipu longgalo ungiadi xaung Yerusalem. Titi inia bagula ina sauya kubolu diang longgalo mana haing lipu saing sahi kubolu ding diang longgalo. Saing bungingbungina lo haing lipu longga bagula dinaxu mana kubolu maringina ing ganina. Saing ina bagula mogu long bilingam tela naina ing sibuna. Urana bagula libu axamang longga sanga mana mibinga longgalo xaung lipu sintukkamdi haruangadinga.
25Ung bagula ulungu saing uxabia bila ungguti mana bungina haranga baguli sok ba ditongtongia Yerusalem muli niani 7 bagula sup muga. Tauna Lipu Sabanga Urana mogu bagula sok baing ding ditongtongia Yerusalem muli xaung daxanga longga maluxu titi sabanga saing gubinangang (baret) sabanga wagigia. Titi sabanga gamgaminganoa saing Yerusalem bagula wa bila 62 kimbo niani 7. Ne nianidi bagudi li bagula duwa bila bunging mauxanganam.
26Niani 62 xaung niani 7 ila sup baing ding dung lipu sabanga Urana mogu, baing axamang tela wa tate. Baing xaitamoxi bakbaging longgalo dima saing hanggalangia Yerusalem xaung Urana Numanoa. Haunginga diana bagula sok bila langa si saing xap axamandi mala. Saing haunginga bagula wa ila sanga mana xaidap kimuam. Bagula axamang longgalo bagula didoa bila Urana harua ba.
27Xaitamoxi baguli libu hatuminga haringina xaung haing lipu xumana mana ba ding disu mana ina haruanganoa. Saing hatuminga baguli bagula wa sanga mana niani 7. Saing kimuya mana niani luwa hiliana ila sup, bagula ina ribauti hananianga long haing lipu disina na Urana. Baing bagula dita axamang diang taining sibuna etua mana Urana Numang uronganua. Saing lipu hanggalangiangam duwa mana longga bagu ba sanga mana bungina ina xap kubolu diana Urana mogu na ba.