1Mana niani mugamugangama Belsasar wa xaitamoxi Babilongam, nga Danyel ngabagu axamandi bila ngabagudi mibingia yambong. Saing ngabung naxuyanga mibingamga ba mana xailong tela. Mibinga ba bila li.
2“Yanga ma mana long longgalo saing ria tega mesa saing ruba dutu long longgalo.
3Saing asaxa xangxana luwa luwa diyunga tek mayawa (middle) saing dahaing ma ma.
4“Mugamugangama ma bila layondi lo, saing banggitongindi bila buntukdi lo. Nga ngabaguyu baing ngabagu ding dunia banggitongindi saing dirangdi bila lipudi kidingdi lo. Saing disina lipudi hatumingadinga na.
5“Baing ngabagu asaxa xana su mana mugamugangamga ba li mana kindi saing ma bila ba asaxa sabanga tela duxu ba bea. Ina taranga asaxa wagiang tuwadi suxungunia. Saing haruanga tela sok mana bila li. Tauna oxong asaxa xumana.
6“Ngabaguyu baing ngabagu asaxa xan tela bila bu pusi abunging sabanga tela duxu ba lepat. Axa baguli ina banggitongindi luwa luwa bila mangdi lo duwa ubunia. Saing ina toxondi luwa luwa. Saing disina haringingana ba ina wasa mana ala la longgalo.
7“Ngabaguyu baing ngabagu titinga luwa luwa asaxa. Ne ramramona doa sibuna saing ina haringinganoa sabanga sibuna. Saing ngamaxuwa. Ina waindi bila aiandi lo saing xang ala la longgalo saing hanggalangiadi. Baing kimuya ruha taitaidi (krungutim ol na memeim ol) saing hamananggiadi uxuna diri ba. Asaxa baguli ina bila asaxa teladi tate, namua na ina salamindi titinga 10 duwa toxonia sanga mana rimara luwa duwa toxonia.
8“Ngabagu haringinauyu mana salamgadi duwa toxonia ba saing ngabagu salam nanung tela sok lia mana di. Salam hauna li lagi salam tuwadi duwa waleu ba. Ne salam hauna li maxana xaung suxunguna bila lipudi lo. Saing ina yaha saing iti yanoa.
9“Ne mibingia ngabagu: “Daxap xaitamoxi kabukabudingdi ma saing ditadi matabu. Ne lipu muganga tela ma saing rung mana xaitamoxi kabukabung tela. Ne imangindi usamang sibundi bila aisdi lo, ne toxolondi usamang sibundi bila sipsip buxandi lo. Ne xaitamoxi kabukabuna li ina xukxugia xaung yabina lu sabang long longgalo mana kabukabua ba.
10Saing hang mala long longgalo. Ne haing lipu xumang sibuna dili haxek rangua. Ne teladi daxaxa xailongidingdi saing diti kotingua.
11“Ngabaguyu baing ngabagu salam nanuna mana titinga luwa luwa asaxa ba ina iti ing sibuna yanoa. Baing ina bagu ding dung mati titinga luwa luwa asaxa saing diting mala yabia saing yaba rama (kukim) masup xaung salamindi.
12Ne asaxa tuwadi duwauyu. Ding disahi haringingadingdi saing disina ganangang tela ba duwasa mana axamang tela te. Ne ding dungdi te. Diyungadi duwa mongau.
13“Mana nga mibingagua mana yambonga ba, ngabagu lipu tela bila kira lipu titiamdi. Ina wa lia mana mugap sabalunamdi saing haxa ma ma haxek rangua nga. Saing daxap mala rangua lipu mugauamga ba.
14Saing lipu mugauamga ba tongtongia sok xaitamoxi saing sina haringinga xaung yaya sabanga. Baing ina bagula wa xaitamoxi bungingbungina lo. Saing oxatana xaitamoxi yungga yangga ba sanga ba sup te. Bina haing lipu mana titi longgalo xaung bakbak haruanga maxangmaxana bagula duwa maluxu mana.
15“Ngabagu axamandi mana mibinga baguli saing ngahaxi (ask) saing ngahatum xangxana.
16Baing ngala mana lipuadi ba tela li haxek rangua xaitamoxi saing ngaxusunga ba baxanga mibinga namua. “Baing ina bala nga bila li:
17‘Mana asaxa luwa luwa bagula mogu titi haringindi luwa luwa bagula disok.
18Ne kimuya taxa (antap) eta lo mana Urana lipuxindi ding bagula disok xaitamoxi bu duwa bungingbungina lo.’
19“Ngalungu haruanga baguli saing ngabo ngaxabia mana asaxa luwaluwamgaba, ina axamang tela mana teladi ne nga ngamaxuwa haringing sibuna. Ina waing sabanga bila aiandi xaung king guang disok bila brasidi lo. Ne ina ungguti axamang xumang sibuna saing xangdi xaung ruha taitaidi mari.
20Ne xauna ngabo ngaxabia mana salam rimara luwamgadi duwa toxonia ba, xaung mana salam kaxukana sok kimuya saing lagi salam tuwadi duwa muga ba. Salamga ba ina maxana xaung suxunguna harua sabangsabanga saing iti ing sibuna yanoa. Bungina ngabagu salam nanuna li ngamaxuwa haringing sibuna. Nga bungina ngamaxuwa salam maxang teladi bila ngamaxuwa ala baguli.
21Ne mana mibinga baguli ngabagu salamga haung rangua Urana lipuxindi saing hanggalangiadi.
22Saing lipu mugauwama sok, saing tongtongia kotinga mana salamga ba, saing harua ba salamga ba tongtongia mauxangang xumang sibuna mana Urana lipuxindi taxa eta lo. Ne gananganoa sok ba Urana lipuxindi disok bila xaitamoxi.
23“Baing lipua lo ngaxusunga mana alaladi, ina bala nga ba, ‘Mibinga namuxina bila li. Titing luwa luwa mogu asaxa ba titi luwa luwa bagula wa, saing bagula maxang tela mana titi teladi. Ina bagula tatua titi teladi saing ruhadi ba sahaidi (pinisim ol).
24Mana salamdi bila rimara luwa mogu xaitamoxidi ba disok mana titia li. Kimuya xaitamoxi tela bagula sok xan tela mana adi disok muga ba. Ina bagula unia xaitamoxi tuwadi.
25Ne ina bagula harua diana na Urana ta eta lo saing tatua haing lipudi. Ne ina tuba ba xugia daxanga sabungam xaung sabunga sabanga daxangandi. Ne ina bagula wasa mana Urana lipuxindi mana nianidi tuwa xaung hataina.
26“ ‘Baing xaidabinoa sup saing Urana iti kotinganoa, saing sahi xaitamoxi haringinganoa saing hanggalangia masup.
27Ne Urana ta eta lo bagula sina yaya xaung haringinga lo xaitamoxi titiamga ba mala na haing lipudi. Ne bagula duwa xaitamoxi bungingbungina lo. Ne titi longgalo bagula duwa hawa mana Urana lipuxindi bu dinaxu mana haruangadingdi.’
28“Ina naga haruanga longga ngabagudi mibingia ba. Nga Danyel, nga ngamaxuwa haringing sibuna mana axadi bagudi li.”
