Danbu Ni Na 8

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

¹Tunia ka thupeh chengse hichingthei tah in jui bukim sohkei jin. Chuti leh nahinkho sot ding, Pakaiyin napu-napateho khanga pat peh ding akitepna gam nalo thei ding ahi.

²Na Pakai, na Pathen in kum- somli gamthip lah akonna nahin puidohna geldoh jing in, ajeh chu Pakai thupeh ijakai nanit kimsoh nading’a nangma patep na ahi.

³Henge Pakaiyin gil-kiella naum laipet tah uvin manna napeouvin ahi. Hiche tabang an-hi napu- napateo khanga jong um kha lou ahi. Ajeh chu mihemte hi changlhah jengseh a hing jou ahipoi ti Pakaiyin nahetsah nao ahin; amavang Pakai kam sung’a konna hung potdoh thu chang’a bou hing a na hiuve.

⁴Kum-somli sung in von-ah ding jongnangaichapouvinchule nakeng u-jong imacha atipon ahi.

⁵Hichu geltem uvin: Minu-mipan achaahilnabang’a Pakaiyin nang ho phatchomna ding a bou nakhoukhah na’u ahi.

⁶Hijeh chun na Pakai, na Pathenthu peh chengse aboncha’n nitkimsoh keijin lang Pakai gingjing’a hinkho naman ding ahi.

⁷Ajeh chu na Pakai, na Pathenin nangma gam phatah tui-nennamun’a nahin puija hichu phaichamle thing lhang gam aboncha ahi.

⁸Hiche gam pumpi hi mimchang lekolbu lei jeng ahin; theiba phung, kolbu thei phung, Olive phung lekhoiju lonna gam ahi.

⁹Hiche gamsung hi Pakaiyin ijakaikimsella tui achap nou ahi. Chuleagam sung’a thih jong song bang’akimang ahin thinglhang gammasong mantam jeng umma ahi.

¹⁰Agamsung-ga naneh teng le na Pakai, na Pathen thangvahna napehjing ding ahi.

¹¹Hiche mun achu nachih thei dingahi! Ajeh chu hiche gampha laitahjeh a chu tunikhoa na Pakai, na Pathen thupeh nasuh mil lou ding ahi.

¹²Nanghon in-nom nahin kisahdoh diu chule haosatah a nain chen diu,

¹³Chule nagan chate’u jonghung pung cheh cheh ding, sanale dangka ijakai kimsella na hinneidiu chu teng chingthei tah naumdiu ahi.

¹⁴Chu tengleh kiletsah hoithonaimacha naneilou diu ahi. Ajeh chu Egypt gamsung’a gim gentheinathoh lai uva Pakai, Pathen innahuh doh ahi.

¹⁵Pakaiyin gamthip noija aipihang leh gulse holah a nahin puidoh nau nagel doh jing diu, hiche mun chu tolgo lah le gamsa mun ahi. Ahinlah Pakaiyin tui nape uvin ahi.

¹⁶Pakaiyin gamthip noija manna in navah vaset uvin hichu napu napate’u khang’a um khalou anneh ahi. Hiche hi Pakai jin nangho patepna ding’a abol ahin athu-a na nun cheh diu ahi.

¹⁷Hiche ho josue Pakai jin nangho dinga na atoh ahin, keima hatna a ka kilamdoh ahi tia ima na paomepi louhel diu ahi.

¹⁸Na Pakai, na Pathen na geldoh jing ding ahi. Pakai bouvin nangho lolhin theina dinga tha-napeh u ahin, ajeh chu napu-napateo khang’a pat kitepna gui lhunsah nading ahi.

¹⁹Hiche hi nahet jing dia ka thupeh nahi: Na Pakai, na Pathen sumilla pathen dang angsunga na bohkhupma ahileh, nangma chunga thina lhung jeng dinga hi.

²⁰Pakai, Pathen nah sah louva naummaahile, namdangki sumang ho bang’a nangma jong na ki sumang jeng ding ahi.