1Chuin Pakai thupeh bang’in gamthip lah akon in Tuipisan-dung lam jon in ka leche kitauvinahi. Seir molsang lam a chun phatsottah lungdong in ka um uve.
2Akhon na in Pakaiyin hiti hinaseijin,
3Nangma gamthip lah a lungdongin na um sot lheh tai; tun solam gamkaija kiheijin.
4Thupeh hichengse hi mipi hengaseijin: “Nanghon na sopiu Esauchilhah Edom mite chenna Seirmun na jotpa diu ahi. Edom mitechu kichat nan alhun den theiju ahi, ching thei jun.”
5Aheng uva ima na ngeh lou diuahi. Ajeh chu keiman Seir gamjouse ama ho ka peh ahi tan, nanghogambeh neocha jong na kipe theiloudiu ahi.
6An-le-tui nangai chat uva ahile, aman na peh uva na kichoh chehdiu ahi.
7Ajeh chu Pakai, Pathen in na bolnatoh jouseu phatthei aboh ahi tai. Pakaiyin gamthip noija pat kal-khatnason gei uva avet lhih jing ahin, kum-somli sung in Pakai, Pathen inlhasam louvin na umpi uvin ahi.
8Chuin i-sopi’u Esau chilhah hochenna Seir mun ka galkai un. Arabah phaicham kiti Elath le Ezion-geber akon hungna lampivang chu kapel doh uvin ahi. Lhanglam Neldi gam Moab jotnalampi achun ka che uvin ahi.
9Pakaiyin ka heng uva asei in, “Lotchilhah Moab mite na suhgim loudiu gal jong na bolkhum lou heldiu ahi. Ar gam Leiset pumpi amaho ka peh ahitan, nangho gam behneokhat jong na chan thei lou diuahi.”
10Masang chun Emim mite tiakihe miho chu Ar munna hin anacheng uve. Amaho chu asang theiun chule atha u-jong ahat in Anakimmite tabang chu ahiuve.
11Amaho chu Anakim mite bang’a milen te tia kihe ahin, Moab mitenvang amaho chu Emim mite tinakou uve.
12Masang chun Horite mite chu Seir munna ana cheng uvin a hin lahama ho chu Esau chilhahte ho tohgal ana kibol uvin Horite mite chuana jam doh ahiuve. Israel mite’n Canaan mite adel-gam uva agampumpi Pakai in apeh ta bang’u ahi.
13Mose’n a-vel lin a seijin, ‘Chuin Pakai jin ka heng uva hiti hin aseije, Zered galkai ding in che uvin, ati bang in hiche mun chu ka galkaitauvin ahi.
14Kadesh Burnea kahin pal-galkaiuva pat Zered tuikol mun chanchu nisom-thum le ni get alhing inahi! Chuin pasal galsat thei jousegamthip lah a athi jou tauvin ahi. Pakaiyin atep bang a thi soh ahi tai.
15Ajehchu Pakaiyinamahoasuhnem ahin alah jeng uva jongasuh mang kei diu ahi.
16Galbol thei pasal jouse athi gamphat chun,
17Pakai in ka-henga a seijin,
18Tuni nikhoa nangman Ar munnapat Moab gamgi na galkai ding ahin,
19Lot chilhah Ammon mite chennana lut ding ahi tai. Ahinlah nangmanamaho na suhgim lou ding gal jongna bol khum lou ding ahi. Hichegam hi Ammon mite ka peh ahi tan, nangma a-gambeh neo cha jong nachan thei lou ding ahi.
20Hiche gam chu Rephaite mitegam’a ana kihe ahin, Ammonmite’n vang Zamzum mite tin aheden uvin ahi.
21Ama ho jong chu asang thei jun chuleh a-tha’u ahat theijin Anakimmitetabangahiuve. Ahinlah Pakaiyin amaho chu a-sugam heltauvin ahileh chuin Ammon mitenagam alo tauvin ahi.
22Pakaiyin Seir munna Esauchilhahte ding’a na-atoh bangbang in abol in chule Horite mitea-sugam in ahile hiche munna chunama ho acheng tauvin ahi. Hijehchun Esau chilhahte tuni changeijin acheng tauvin ahi.
23Hiche tabang hin Crete apat Caphtorite mite chunga thilsoh analhung in, Gaza munna Avite mitechu anasu-gam hel in ahi.
24Mose’n avellin aseijin, ‘Chuin Pakaiyin hiti hin aseije, tun Arnon Gorge mun galkai ding in chetauvin. Vetan, Sihon, Amorite Hesbon lengpa khu nangma khut akapeh doh ding chule agam pumpinangma na chan ding ahi. Khaile! Kondoh in lang agam khu lokhumding go tan.
25Tu nikho’a kipat gam Leiset acheng mihemte chung’a tijatna kalhun sah ding ahi. Nangma chungchang thu ahin jah doh teng ulekichat nan alhun den diu ahi.
26Mose’n avel lin a seijin, ‘Kadeshmothgamthipapat Heshbonlengpa Sihonhengachamna thusieya palai khat kasolding,
27Nagam-sung ka jotpa diu ahi. Lampi jeng ka jotpa diu ama vang, akim vel lah ka hopa lou hel diu ahi.
28Anneh ding le twi don ding neipe uvin, hichu aman ka peh diuahi. Thil ijakai chung chonna kangai chat pipen u-chu ahile na gamka jotpa uva ka gal kai diu hi ahi.
29Seir munna Esau chilhahte’nagam ka jotpa uva ka galkai nadiu eiphal peh uvin hiche tobangchun Ar munna cheng Mobite mitejeng in jong abol uvin ahi. Hijehchun Pakai, Pathen in eipeh na’ugam Jordan vadung ka gal kaitheina diuvin na gam sung nei jot sahtauvin kati uve.
30Ahinlah Heshbon munna Sihonlengpan a gamsung hopa ding chuanom ta poi, ajeh chu Pakai, Pathenin Sihon lenpa lungthim chu asutahin chuin Pakaiyin eiki thopi uvinahile galjona chu eipe tauve.
31Chu in Pakaiyin hiti hin aseijin, Vetan, Keiman tua kipat Sihonlengpa le agam leiset nangma khuta ka peh doh pan ahi tai. Tun kipanin gam pumpi lo ding in kon tan, ati.
32Chuin Sihon lenpa’n eihochunga gal bol ding in kho lhangasam tan Jahaz apat agalsat mihohenga hetsahna aneiyin ahi.
33Ahinlah Pakai, Pathen in eihokhut a apedoh tan ahile, achapatechule amite jouse jaonan i-satgamhel tauvin gal jona i-chang theijun ahi.
34Akhopi jouse le amite jouseabonchan ithat gam hel tauvin hichupasal jouse leh numei chapangjaona ahi. Mihem khat a khat chajeng jong asohcha tapon ahi.
35Khopi sung’a gancha jouseabonchan ichang tauvin chule thil ijakai manlu jouse jong i-chang tauvin ahi.
36Pakai, Pathen in ei-panpi uvin ahile Aroer kiti Arnon Gorge, Gorge khopi chule agam pumpi Gilead chan geijin abonchan ijousoh hel tauvin ahi.
37Ijeh inem itile, Ammon mite gam dalhan Jabbok vadung chule gamsunga khopi ho Pakai thupeh bang bang in i-dalhah jal’u ahi.
