Daiteronomi 8

1

4

6

7

8

9

10

12

13

18

19

24

25

26

30

31

32

33

34

¹“Ajop ŋapep gebe aŋgôm biŋsu samob, taŋ galoc kajatu amac naŋ, ŋanô êsa, gebe amoa matem jali to atu taêsam ma asa gamêŋ, taŋ Apômtau, amacnêm Anôtô, kêtôc lêma gebe êkêŋ êndêŋ tamemi naŋ, e awê kaiŋ gamêŋ tau êtu amacnêm gamêŋ.

²Ma taêm ênam intêna samob, taŋ Apômtau, aômnêm Anôtô, gêwê aôm gêdêŋ taŋ gômoa gamêŋ sawa kêtôm jala 40 naŋ, gebe êkôniŋ aôm to ênsaê aôm e êjala biŋ, taŋ gêc nêm ŋalêlôm naŋ, ma êjala aôm oc ôŋgôm ênê biŋsu ŋanô êsa me masi.

³Eŋ kêkôniŋ aôm to kêkêŋ mo gêjô aôm, go kêkêŋ mana, taŋ aôm gôjam kauc naŋ, gêdêŋ aôm goeŋ. Aôm tamami sêjam kauc mana amboac tonaŋgeŋ. Eŋ gêgôm gêŋ tonaŋ, gebe ôjala gebe mo tageŋ gêôc ŋamalac tôŋ atom. Biŋ samob, taŋ kêsa aŋga Apômtau awa naŋgeŋ, tec gêôc ŋamalac tôŋ.

⁴Gêdêŋ jala 40 tonaŋ aômnêm ŋakwê, taŋ kôsô naŋ, kêtu manê atom ma amkaiŋ kêtiŋ atom amboac tonaŋgeŋ.

⁵Amboac tonaŋ ôjala ênêc nêm ŋalêlômgeŋ, gebe Apômtau, aômnêm Anôtô, kêmêtôc aôm kêtôm ŋac teŋ kêmêtôc latu.

⁶Tec ôŋgôm Apômtau, aômnêm Anôtô, nê biŋsu ŋanô êsa ma ôsa ênê lêŋ to ôtêc eŋgeŋ.

⁷Biŋŋanô, Apômtau, aômnêm Anôtô, gêwê aôm, gebe naô lasê gamêŋ ŋajam teŋ. Bu to bumata kêpoac gamêŋ tau, ma bu kêpulu aŋga gaboaŋ to lôc.

⁸Gêŋ tokaiŋ-tokaiŋ gêjam ŋanô ŋajam aŋga nom tau. Polom to jaŋgom ma wain to jambô ma aiŋ to katêkwi ma lêp.

⁹Aŋga gamêŋ tonaŋ aôm ôniŋ polom e êôc aôm tôŋ ma ôpô lêna gêŋ teŋ atom. Gamêŋ tau ŋapoc gêdêŋ ki jejec ma aôm oc ôkwê ki kokoc aŋga gamêŋ tau ŋalôc.

¹⁰Aôm ôniŋ gêŋ e êôc aôm tôŋ ma ôlambiŋ Apômtau, aômnêm Anôtô, gebe kêkêŋ gamêŋ ŋajam gêdêŋ aôm.

¹¹“Ojop taôm gebe ôliŋ Apômtau, aômnêm Anôtô, siŋ atom. Amboac tonaŋ ôŋgôm ênê biŋsu to ŋagôliŋ ma jatu, taŋ galoc kajatu aôm naŋ, ŋanô êsa.

¹²Aôm embe ôniŋ gêŋ e êôc aôm tôŋ to ôŋgôŋ andu ŋajam, taŋ kôkwê naŋ,

¹³ma embe nêm bulimakao to domba ŋatoŋ têtu taêsam ma nêm silber to gold êtu kapôêŋ to nêm gêŋ samob êtu taêsam,

¹⁴go nêm ŋalêlôm etoc tau sa e ôliŋ Apômtau, aômnêm Anôtô, siŋ atom, gebe eŋ tec gêwê aôm kôsa aŋga Aiguptu, taŋ kêtu andu kapoacwalôŋa naŋ, gômôêŋ.

¹⁵Eŋ gêwê aôm golom-golom gamêŋ sawa kapôêŋ to kaiŋ teŋ. Moac ŋaclai to alidêbu sêmoa gamêŋ tau ma bu masi e nom gêôc kêkôc-kêkôc. Mago eŋ kêkêŋ bu kêsa poctêmui aôm gônôm.

¹⁶Eŋ gêlôm aôm aŋga gamêŋ sawa ŋa mana, taŋ tamami sêjam kauc naŋ, gebe êkôniŋ to ênsaê aôm, ma êmoasiŋ aôm êtu ŋamu.

¹⁷Ôlic taôm gebe ôsôm biŋ tonec ênêc nêm ŋalêlôm gebe Aêŋoc ŋaclai to lemoc ŋajaŋa kêkêŋ aê katu ŋac tolêlôm, nec atom.

¹⁸Taêm ênam Apômtau, aômnêm Anôtô, gebe eŋ tec kêkêŋ ŋaclai gêdêŋ aôm, tec kôtu ŋac tolêlôm. Eŋ gêgôm gêŋ tau gebe êŋgôm poac, taŋ kêmoatiŋ gêdêŋ tamami naŋ, ŋanô êsa amboac asaê galoc.

¹⁹Galoc aê jakêŋ puc aôm, gebe aôm embe ôliŋ Apômtau, aômnêm Anôtô, siŋ to ôndaŋguc anôtôi jaba ma ônam sakiŋ êsêac to oteŋ mec êndêŋ êsêac, go ônaŋa biŋŋanôgeŋ.

²⁰Aôm embe taŋam wamu Apômtau, aômnêm Anôtô, awa atom, oc ônaŋa ôtôm lau tomôkê-tomôkê, taŋ Apômtau kêsêlêŋ gêmuŋ aôm ma geseŋ êsêac su naŋ.