1Mose’n Israel mite abonchanakoukhomin aheng uva aseipehtan ahi, Israel mite’n phatah inngaiyun. Tunin Dan thupeh chengse hi jasoh keijun, kihilnan neijun lang najui kim soh kei diu ahi!
2Pakai, Pathen in Horeb molsangakitepna eisem peh tauvin ahi.
3Pakaiyin hiche kitepna hi ipu-ipate’u toh asem ahipon, amavangtunikho’a eiho jouse dinga asemahi.
4Pakai mol chunga meikong in akilah in nangma kimaituo in nakihoulimpi’n ahi.
5Nangho le Pakai kimlaija keimaka ding in ahi, ajeh chu nanghonmeikong nakicha uvin muolchungna nailut ngam tapouvin ahi. Pakaiyin ka henga thu aseijin, a-thusei doh aboncha nangho kapeh son ahi. Pakai thusei doh chuhiche hi ahi:
6Keima na Pakai le na Pathen kahi, Egypt gamma soh a naum lai uvana huhdoh pau chu kahi.
7Kei tailou Pathen dang nanei loudiu ahi.
8Milim semthu kiti nanei thei loudiu, van le leiset chule tuikhanglensunga hijong leh pathen limsemthu nanei thei lou diu ahi.
9Hitobang lim semthu ho ang-sunga chu naboh khup uva akinnabol lou hel diu ahi. Ajeh chukeima na Pakai le na Pathenkahin, pathen dang semthua konnathang-tom ji ka hin, hiche chonsetnachu nacha te’u khang geiya papkalhunsah ding; keima ei pam paiinsung pumpi chunga khangthumle li chan geiya lethuhna ka lhunsahding ahi.
10Ahin lah ka-thupeh nit a keima eingailu jing ho chunga, akhang akhanga ngai lutna kalhunsah ding ahi.
11Na Pakai, Na Pathen minnasuhboh lou hel ding ahi. Koihile Pakai min suboh chan chu ngaidamchang lou ding ahi.
12Na Pakai, na Pathen thupeh bangin, Sabbath nikho theng chu na nitjing ding ahi.
13Natohna ding nigup naneijin ahi,
14Ahinlah nisagi lhinni Sabbathnikho hi Pakai, Pathen ading’anikho theng ki katdoh ahi. Hichenikhoa hi koi machan insungnatoh abol theilou ding ahi. Hichehi nangma nahin, nachapate lenachanute, nasoh pasal ho le nasohnumei ho, nabongchal ho, nasa-ngan ho chule nagancha jousejaona, chule gamdangmi nalah uvahung chengse jaona hi ding ahi.
15Hiche hi nasuhmil lou diu ahi, khatvei chu Egypt gam sung’asoh a um nahiuvin, ahinlah Pakai, Pathenin aban thahat panna nahinpui doh ahi. Hiche jeh achu na Pakai na Pathen in Sabbath nikhoaki chol ding’a thu peh anei ahi.
16Na Pakai na Pathen thupeh bangin nanu, napa jabol in. Chutilenahinkho sot ding Pakai, Patheninnapehna gam sung’a lung mong anachen ding ahi.
17Tol-tha nabol lou ding ahi.
18Jon-thanhoi nabol lou ding ahi.
19Gu-chat nabol lou ding ahi.
20Na sopi nalhep chatvai lou ding ahi.
21Na sopi-ji toh nalupkhom louding ahi. Chule nasopi gam jong nachu lou ding, asoh numei hihen pasal hijong le, abong chal hihen, a-sangantehi jong le nasopi nei le gou ijakailepthol a nalah thei lou ding ahi.
22Hichengse hi molchunga nakallai uva Pakaiyin a seidohsa ahi tai. Pakai chu meikong in akilah in aw-sang tah in asam in, chuin meibolle muthimin atomlha jengin ahi. Hiche laimunna chu aboncha a seijachule hi chengse chu aboncha songpheng nia ajih lut a keima eipeh ahi. Pathen Hung Kilahna Mipin Akichat
23Nanghon Aw-gin le mu-athimeti naja uvin chule molchung pumpiathimlha jeng tan ahile, nangmainsung’a lamkaiho le upaho ka-heng’a ahung uvin ahi.
24Ama hon hiti hin asei uve, Vetan! Na Pakai, na Pathenin aloupinaki dangtah in eimusah uvin aw-sangtah meikong a kilah chu kajauvin ahi. Tunin kamu tauve, ajehchu Pathen in mihemte heng’athu aseiyin ahin lah ima kati dehpouvin ahi.
25Tunvang, ipi dinga thi ikichat kitdiu ham? Ajeh chu Pakai, Patheniniheng uva thu asei kit a ahile, thinanilhun den uva meikong a iki govamjeng theiyu ahi.
26Haina hu neija hing itobanghi jong leh eiho bang’a hing jing Pathen awgin ja-a thi louva hingthei aum dem?
27Tun nangma chen lang na Pakai, na Pathenin ipi asei em gangai tan. Chule hung kile kit inlang Pakaiyinipi asei em ti ka-heng uva hung seijin chuteng keihon ka ngai uva ka jui diu ahi.
28Keima henga nangeh channu Pakaiyin aja soh tan ahi. Pakaiyinhiti hin aseije, mipihon nangmahenga ipi asei uvem ti keiman kahesoh keiyin, chule ama hon thudih aseiju ahi.
29Oh, hitia hi ama hon lungngaichatna anei jing diu chule hichebang achu ama hon keima ei-ginjing diu, ka thupeh jong anit jingdiu ahi! Hitia chu achon jing uvaahile, amaho leh a chilhah te’u changeija phat thei chang diu ahi.
30Nangma chen lang a heng uva gasei tan, “Na ponbuh cheh uva kiletauvin.”
31Ahinlah nangma hiche munnahin ding den nalaijin chonna danthupeh aboncha ka sei peh ding nahi. Chule hichengse hi aboncha mipihohenga naseipeh ding chutileh amahon achen na’u gamsung’a chu ajuijing diu ahi.
32Chuin Mose’n mipiho hengaaseijin, nang hon chingthei tah in Pakai, Pathen thupeh aboncha juiding go uvin.
33Na Pakai na Pathen in nathupehna’u lampi chu jui jing uvin. Chutilenalhun nadiu gamsung’a hinkho sottah nachen thei diu ahi.
