1Mose’n thu hichengse hi Israelmite lhumlam Jordan vadung gamthip noi aum lai un aheng uvahana seipeh in ahi. Jordan phaicham Suph chuleh Paran, Tophel, Laban, Hazeroth le Di-zahab kimlaija chunngahmun asem laiju chu ahi.
2Sinai molsang apat Kadesh-barnea chan chu angaija banganisom-le-khat kenglam ahi. Hichu Seir molsang kihopa ahi.
3Israel mite chun kum somli joulhasom-le-lhakhatlhinnanikhomasapen’nin Egypt gamsung ahindalha tauvin, Pakaiyin Mose hengaaseipeh bang chun, Israel mitejouse asei peh sohkei jin ahi.
4Hichengse hi Amor mite Sihonlengpa Heshbon alal laija thilsohahin, chule Bashan Og lengpan Ashtaroth le Edrei avaihop lai ahije.
5Israel mite Jordan vadung sahlam Moab gamma aumlai uva, Pakaiyinathupehbanga Mose’njongchingthei tah’a aheng uva ahilchienchu anoija chengse hi ahi.
6Sinai molsanga kaum laiyun Pakai, Pathen in ka heng uva hitihin aseije, hiche molchunga hinphat sottah na um tauve.
7Tunngahmunsukehuvinkichon tauvin. Amor mite chennathinglhang gam chule akimvel jousele Jordan phaicham, Canaan mite, Lebanon mite chule Euphrates vadung chan gei che’uvin.
8Vetan, Keiman hiche gam leiset jouse hi nangma kapeh nahi! Chenlang agam khu galo tan, ajeh chuhiche gam-leiset jouse hi Pakaiyinpeh ding’a kitepsa napu-napate’u Abraham, Isaac chule Jacob chilhahte jouse lo ding ahi. Lamkai Upaho
9Mose’n asei kit in, hiche laichun kana seitan, Nangho jouse kachang’a kavaihom hi, Keima dingin agih lheh jeng in ahi.
10Na Pakai le na Pathen chunna mite apun sah in ahsi jat in nasemdoh ahi tai!
11Chule Pakai na Pathen thahatchun asang-sang in na punbe sahhen lang a kitepna bang in phattheina boh ta hen.
12Ahin nangho kachang a kavetsui hi kei din a-gihsa lheh tan, itilamdol in bol leng pha ding ham?
13Hijeh chun: Ama-ama insungkaija konin thu hethem upa phabeplheng doh tem in, keiman ama hochengse chu nangho lamkaija kapansah ding ahi.
14Nang in jong, ‘Na thilgon hiaphalheh jeng’e tia nana sei je.’
15Keiman upa-cheng phabepama-insung kaija konna nalhendoh chengse chu ka puijin nangmathutan vaihom ding’a ka pansah ahi. Miphabep chu misang-som chungavaihom din apang in miphabep mi-jakhat chung, mi-somnga chungchule mi phabep chu mi-somchung’a ding ahi.
16Hichun, keiman thutan vaihomho henga ka seijin, ‘nanghon na sopiu Israel mite le gamdangmi na lah’uva hung cheng ho a-konna thutan ding na hin mudoh diu ahi. Na dinmun cheh uva dettah in pangcheh uvin.
17Chuleh thutanna hoa sihneinaima nei hih hel uvin. Ahao hihenavai chung hi jong leh thutan dingchu phatah in kholchil sohkei un. Mi khattou lunghan jeh in kicha hihuvin, ajeh chu adih’e tia thu natanuchu Pathen dei ahiye. Amavangthutan ding ahahsa behseh aum lehkeima henga hin lhut uvin, keimanhichu tan nang’e.
18Hichun keiman ijakai bol dingjouse na heng uva ka seipeh sohkeijin ahi.
19Pakai, Pathen in eithu peh bangu-chun, Sinaimolsangdalhangamthip lah’a kichapum in ikitoluvin, chuin Amor mite chennalam jon in ikitol uvin ahi. Kadesh-barnea mun ilhung tauvin.
20Hichun keiman hiti hin ka seije, ‘Tun nangma Amor mite chennagam Pakai, Pathen in eipeh na’ugam i-lhung tauvin ahi.
21Vetan! Pakaiyin na masang lamuva gam na koipeh tauvin ahi. Cheuvin lang galo tauvin ajeh chu na Pakai, na Pathen uchun nanghoding’a kitepna aneiya ahi. Kichahih’uvin, chule lungthoi hih’un ati.
22Ahin lah na boncha uvin kahengahiti hin na sei uve, ‘Amasan ei-lamkai diuvin mi-sol masa utechutileh ama hon i-lhun na diulampi aboncha ahin hetthem diuchu teng hoilai khopi munna chui-lhun thei uvem kicheh ding ahi.
23Hiche hi keima dinga jong lunggel phatah hin tin, mi-somleni kalheng doh tan, ama ho chunangho in sung kai lhah akonnamikhat cheh ahi uve.
24Amaho gamthip lam’a chun achepeh uvin chule Eshcol phaichamahung gei tauvin hichea chun aumtauvin ahi.
25Ama hon gamsung gasoh phabepahin choi un hitihin asei uve. “Pakai, Pathen in eipeh nau gamkhu tahbeh in apha lheh jeng’e.”
26Ahinlah nangman Pakai, Pathenthupeh nit-louvin agam sung’a cheding nanom poi.
27Na ponbuh akon in hiti hin naseiye, ‘Pakai jin eimu dau’vinahileh, hijeh a chu Egypt gammakonna eihin puidoh uva Amor mitethagam sah ding ati ahi.’
28Tua hoija iche diu hitam? Isopitehouvin thil um chan ijakai aseiuvin, ‘Agammite khu eiho-sang inasang thei-un chule eiho sang injong a-thahat theijun, akhopi houjong a len theijin chule khopi kulkigen ho jong a-sang theijin chungathangvanaphai! Chulehichemunna chun Anak chilhahte jongkamu uve.’
29Ahinlah keiman hiti hin kaseipeh in, ‘Ama ho jeh in tija hih in, ki-jong kicha hih in!
30Na Pakai, na Pathen na masanglam’a ache jing in ahi. Egypt gam’anamu bang’a, Pakaiyin na panpiding nang ding’a gal asat ding ahi.
31Mipa’n acha a khohsah bangbang in, Pakai, Pathen in nache le-na gamthip lamlhung keiya iti nahin puigal kaiham ti nangman na hesoh keijin ahi.
32Ahinlah hichan geija ana tohjouvin, nangman na Pakai, na Pathen na tahsan hih-laiye,
33amachu namasang lam’a achenmunpha laipen na chun ngah muna sem’in chule jan-teng meivahkhom a na veng jing, sun-teng meibol khom’a na lhonpi jin ahi.’
34Pakaiyin na phun-chel na hoahin jadoh tan ahile alung hanglheh jeng in, lungdamsel in kitepnaanei jin ahi.
35Itinama jong leh nanghon hichekhanga lungphat louna keng pum’anapu, napate’u khanga pat pehdinga ka tepsa-gam khu nalo louhel diu ahi.
36Jephunneh chapa Caleb bouvinalo ding ahi. Aman hiche gam hiamu ding ahi tai. Ajeh chu lunglhalouva Pakai thupeh jui jing ahi. Ama le achilhah ten hiche gamsung phabep masang’a agamumasat bang uva alo diu ahi.
37Nangho jeh in keima chungjeng ajong Pakai alungpha mo tan. Pakaiyin aseije, “Mose, nangmajeng jong gam-tepna nalut lou dingahi!”
38Ahin lah Nun chapa Joshua chunmipiho aboncha gamsung chan aalamkai ding ahi. Ama chu tilkhouvin, ajeh chu aman Israel miten alodiu gam sung chan’a alam kai dingahi tai.
39Keiman gam khu na chate khohepha-loulai ho ka chensah ding ahi. Ajeh chu nangho na kicha uvin ahin ama hon alo diu, chule amaho bouvin agam alo diu ahi.
40Tun nangma, kiheijin langtwikhanglen san- lam jon in che tan.
41Chule nangman chonset phong inlang, “Pakai adia chonse kahitauve! Pakai thupeh banga, gamsung akhukache uva gal kaga sat diu ahi.” Ajeh chu namite hon athal chehaki choiun, gamsung lo ding khubaikhen chan agel uve.
42Ama vang Pakai jin nangmakom’a seijin tin thupeh aneiye, ‘Galsat na bollou ding ahi, ajehchu keiman ka umpi poi. Keima jaolouva na chang seh a nache a ahilehna gal mite’n nasat gam diu ahi.
43Hiche hi keiman ka seipeh nahi, ahin nangman na ngai pon, avel lin Pakai thupeh na palkeh in galsat inna kon doh un ahi.
44Chuin Amor mite chu khoitejat bang in ahung kon tauvin, Seirle Hormah lam chan geijin na hindelkhum tauvin ahi.
45Chuin nangma Pakai lam a nakiheijin, na tauvin ahinlah Pakaiyinna taona asang ta poi.
46Chuphat in nangma Kadeshmunna phatsoh tah na cheng tai.
