Danbu Ni Na 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

¹Kum sagi alhinsih le khatkomma sumpa bat a nalah jouse’u chu nale sah diu ahi.

²Hichu nabol tei tei diu ahi. Israelmite lah a hitabanga thil batna kilajouse chu nakile sahto naphat ahi. Koiman asopi aheng akomma thilbatna alah thei lou ding ahi. Ajehchu Pakai, Pathen ading’a kilhaongna lhung ahi.

³Hiche bat kilesahto nahi Israelmite insung’a ding bou ahin kholjinmi ho jao lou ahi.

⁴Koima vaichatah a um lou dingahi. Ajeh chu Pakai, na Pathen inna pehna’u gamsunga phat theinahung lhung ding ahi.

⁵Tunia keiman kapeh thupehaboncha nanit kimsoh kei uvaahileh Pakai, Pathen in phattheinachamkim naboh diu ahi.

⁶Chu teng Pakai, na Pathen inakitepna bang’a phatthei naboh teidiu ahi. Nam dangte’n naheng uvasumpa ahin lah diu chule nang honvang batna ima nalah lou diu ahitai. Namdangte chung’a vaihommanapan diu, nangho chung’a koimanthaneina a vai ahop lou ding ahi.

⁷Ahinlah Pakai, na Pathen in napehna’u gam nalhun teng ule, Israelinsung’a konna avaicha a-um khahle amachu na dal bol lou hel diu ahi.

⁸Hongphal tah in amaho chu achandiu gambeh na peh diu ahi.

⁹Batna thilpeh ding hijong le itlouhella napeh diu ahi. Ajeh chu khatle khat batna konna kilepeh naphatchu nakhut uva um jing ahi. Batnapeh ding nada’a mikhat nachungalhisona aneiya ahile, phat lounachonset achu lha lut nahitai.

¹⁰Vaichate’n angaichat bang’ahongphal tah a napeh ding ahi. Ajehchu Pakai, na Pathen in natoh nalamlamma phatthei naboh ding ahi.

¹¹Na chenna’u gamusung’a chuvaicha um jing ding ahi. Hichethupeh hi najui jing diu ahi, ajehchu Israel mite lah hihen midanglah hile vaicha’a hinkho mang umjing ding ahi. Soh’a Kivulho Dan

¹²Hebrew mite lah akonna numeihile pasal hile soh dinga kiphalaumma kumgup sunga nangmanajen ding, kumsagi ahung lhuntengle nangman hiche sohnu hamsohpa ham chu chamlhatna napehding ahitai.

¹³Soh pasal chu nasol doh teng lekhut goh keuva nasol lou ding ahi.

¹⁴Alhahna dinga gancha honkhatnapeh ding, najubel tun nalelhongdapna toh napeh tha ding ahi. Nanei nagou lah a kijepna phabepjong napeh tha ding ahi. Ajeh chu Pakai, Pathenin ijakai napeh ahi.

¹⁵Hiche hi nageldoh jing ding ahi. Nangho Egypt gamma soh a nanaum un Pakai, Pathenin na lhatdoh’uahi! Hijeh a chu keiman hichethupeh hi nangho ka peh nahiuve.

¹⁶Ahinlah nasoh chun ‘keimanka dalhah lou ding nahi’ tia aseiyaahile, ajeh chu aman nangma lena insung mite a ngailut jal ahinnagelpeh ding ahi tai.

¹⁷Hitobang dinmunna konnanangman jong nakotbul akonnanasoh chu nahin le puiding chu tenghinkho lhumkei ya nahenga um thei ding ahi.

¹⁸Nasoh chu nasoldoh teng hahsatna a nagel lou ding ahi. Ajeh chu kum gup sunga ajo channa nahin jen ahitan, Pakai na Pathen in phat thei naboh ding ahi. Gancha Peng Masa

¹⁹Na ganchate lah akonna apeng masa jouse Pakai, Pathen henga nahin choi cheh ding ahi. Na gancha peng masa kitiphot chu louna natohsah lou hel ding chule gancha hon lah a nalhatsah lou ding ahi.

²⁰Ajeh chu gancha peng masa jouse hi Pakai, Pathen henga nahin choi ding nangma le nainsung mite’n Pakaiyin alhenna munna chu kumseh le naneh khom diu ahi.

²¹Ahinlah hiche gancha pengmasa chu a elbai ham ahilouleh mitcho ahikhah le nangman Pakai, na Pathen henga na katdoh lou ding ahi.

²²Hichu nangma le nainsung mite’n nain munna naneh jeng thei ahitai. Hichu koi hile aboh hi hen aboh lou hijong le sa juhsa na neh bang uva na neh thei diu ahi.

²³Chule sathi chu meiya na halvam thei lou diu ahi. Hichu tol lham chung’a nasun lhah diu ahi.