1Thupeh hichengse hi Pakai, Patheninnanghoseipehding’a ka-henga aseijin ahi. Hichegamsung nalut teng uleh, najuikimsoh kei diu,
2Chutile nadam sung’a natu-nachate khang geija keima ei-ginjing diu ahi. Pakai thupeh aboncha nanit soh keija ahileh, lungmonga naum ding chule nahinkho jong sotding ahi.
3Phatah in ngaiyin, nangma Israel, ajeh chu hichengse najui kimselding ahi. Chutile ijakai phachamkimsoh kei ding, napu-napate’ukhanga pat Pakai, Pathen kitepnabanga khoiju le bongnoi lon-nagamma chu nachen ding ahi.
4O Nangma Israel ngaijin! Pakaihi i-Pathen u ahi chule Pakai amabou ahi.
5Hijeh chun na-Pakai le na-Pathennalung thim pum pin le nathaneisun in ngai lu’n
6Tunia ka thupeh chengse abonchachung’a kipehna naneija najuikimsoh kei ding ahi.
7Hichengse hi nachate heng’a avelvel’a naseipeh ding ahi. In munnanaumpet hihen, lam najot pet hihen, nalup kon hihen, nakithodoh pethijong leh, aheng uva naseipeh jingding ahi.
8Hichengse chu na khut a kikhijing inlang chule nalu-a ajong nakhi chah jing ding hi tia chu nasuhmil lou ding ahi.
9Na-in kot phung’a jong jih inlangchule kelkot maija jong najih sohkei ding ahi.
10Ajeh chu na-Pakai, na-Pathen innapu-na pate’u Abraham, Isaac le Jacob henga a kitepna gam sunganapuilut vah diu ahi tai. Hichekhopi hoa hi ijakai bukimsel, hichunang hon man beija namu diu ahi.
11Insung hoa chu neileh gou ijakaiaki lamsa hi ding ahi. Twikul ho jongaki laisa ahin, Olive thingphung le adang ho’a konna jongaga naneh diu, hicheho jouse hinanghon tu lou hela aga nalo diuahi. Hiche ho hi naneh teng ulehgamsung pumpi nalodim diu ahi tai.
12Chuleh chingthei in na-Pakai na-Pathen nasuh mil lou ding ahi ajehchu Egypt gama soh a naum lai uva Pakaiyin na huhdoh u ahi.
13Nangman na-Pakai, na-Pathennagin ding chule Pakai kin jeng’ana kisah lel ding ahi. Ki hahselnananei jong le Pakai min pannananei ding ahi.
14Na kimvel la nam dangte pathensemthu angsunga nabohkhup louding ahi.
15Ajeh chu Pakai, Pathen hithangtom thei ahi. Pakai lunghannachun leiset chunga konna natolmang jeng thei ahi.
16Nangman Massahmunna Pakai, Pathen napatep banga avellanapatep kit lou ding ahi.
17Nangman na-Pakai, na-Pathenthupeh phatah nanit jing ding Danjouse najui kim sohkei ding ahi.
18Pathen mitmu’a apha jing chubol ding gon, chutile ijakai phachamkim soh kei ding ahi. Chuteng Pakaiyin napu-napate’u khanga pata kitepna gam sung’a nachen ding ahi.
19Pakaiyin asei bang’a, hichegam sung’a na-gal mite’u aboncha Pakaiyin asuhmang hel ding ahi.
20Khonung le nachate uvin hitiahi ahin sei ding ahi, hiche dan lethupeh jui ding hohi ipi jeh a Pakai, Pathen in napeh ham? tia nahin doh ding ahi.
21Chuteng nangman hitia hi na donbut ding, keiho Egypt gamsung’a Pharoah angsung’a soh a kana um lai uva, Pakai, Pathen in aban thahat’a eihin huh doh uva ahi.
22Pakaiyin Egypt gamsung’a Pharoah le amite heng’a thil kidang ijakai aki lahsah in, ipu-ipate’u khang’a pat aki tepna gamsung’a cheng dia eihin puiju ahi.
23Pakaiyin Egypt gamsung’a konna ei hin puigal kaiju ahin ajeh chu eihon hiche gam ilo thei nadiu ahi.
24Hijeh a chu Pakai, Pathen in hiche dan thupeh jui ding jouse hi eipeh uva, hichengse ijui kimsoh kei uva ahile ihinkhou sot ding chule imatih channa phatthei ichan diu ahi. Hichu tuni chan geija idamna’u ahi.
25Pakai, Pathen akonna dan le thupeh aboncha ijui uva ahile Pakaiyin eiho jouse them-changa ei sim diu ahi.
