1Nangma Pakai, Patheninnapehna gamsung nachenlut teng leh,
2Pakai, Pathenin napeh, naloulhosoh-ga masa akonna phabepkhat nakoidoh ding, hichengsechu pucha sung’a nakoi khomding, chuteng Pakai, Pathenin adeilhenna mun achu nache a nagalhut ding ahi.
3Hiche laimunna thempu natongpa komma chu nache a hitia hiaheng’a naga sei ding ahi. Tuninkeiman Pakai, Pathen heng’a kaphondoh ahi tai, Ajeh chu Pakai, Pathen in ipu lui khang uva pat akitepna gamsung’a keima ka hunglhung tai, tia nasei ding ahi.
4Hiteng chule, Thempu pan jongna pocha chu na doplhah peh ding, hichu Pakai, Pathenmaicham maiya chu naga koi peh ding ahiye.
5Nangman Pakai, Pathen hengahitia hi nasei ding, keima pupachu Aram mi anahin, hiche munnachu khopem ahin, ami jeng jonglhomcha bou ahiye. Chomlou kahin Egypt gamsung’a nam lentahahung hidoh tan, ahung hatdoh jengtan ahile mihem jeng jong tampiahung hidoh tan ahi.
6Chu jouvin Egypt miten ei sugimlheh jeng tauvin, gentheina tinchang eithoh sah uvin, soh le kol inhinkho iman sah uvin ahi.
7Chuin kapu, kapa luite’u khang’apat Pathen heng’a chun ka tao un, Pakaiyin ka taona’u awgin ajatanahile, ka thoh gimna jouse’u le gimhesoh a ka umna jouse’u amusohkei tan ahi.
8Chutah chun Pakaiyin athahatapan in, aban jang thahat apantan, kichat umtah le melchihna kidangtamtah to thon Egypt gamsung’akon chun Pathen in eihin puidohtauvin ahi.
9Hiche’a kon chun eihin pui galkaiuvin ahile khoiju le bongnoi lonnagamsung’a chun ka hung galkailhung tauvin ahi.
10Tun Pakai vetan, nagman neipeh leiset gamasa chengse kahinlhut tai. Chu teng leh Pakai, Pathenangsung’a hi natun doh ding, Pakai, Pathen chu chibai naboh ding ahi.
11Pakai, Pathen akonna thilpehjouse hin kipana nachan sah ding, nangho nahiu vin, Levi mite ahinchule nalah uva hung kholjin mihojouse jaona na kipa soh kei diu ahitai.
12Chule hopsom pehna ding’a, kum thum sung’a peh ding dolchengse nasim toh soh kei ding, hichengse chu Levi mite ahin, nuloupalou, meithaiho ding’a na khindohding, na khopi sung’a cheng jousenaneh uva va sohkei diu ahiye.
13Chule Pakai, Pathen angsung’anasei ding, ka insung’a kon in ijakaiatheng jouse chu ka koidoh sohkei tan ahi. Hiti chun, athil thengjouse akon chun Levi mite, kholjinmi, nulou, palou chule chaga holemeithaiho kape tan ahi. Na thupehabonchan ka subukim soh keijinahi.
14Kaboi pet tah jeng in jonghopsom ka mangcha hih nai, atheng lou dimunna kaum laiyinjong hopsom neocha jong ka kilahhih nai, hopsom kiti hi mithi opnanjong thilpeh a kamang khapon, keima hin Pakai thupeh abonchanka jui jing in, nangma thupeh bangbang in ijakai ka bol kimsoh keiyinahi.
15Na umna muntheng laija konchun neihin vetan, chule nami Israelte napeh na gamsung’a hinphat thei lhingset hin boh tauvin, ajeh chu hiche gamsung hi khoijule bongnoi lonna gam ahin, kapuka pate’u khang apat eipeh sa’u anahitai, tia nasei ding ahi.
16Hijeh chun Pakai, Pathen intuni hin nangman hiche chondanjosue hi na jui ding in nape tan ahi. Hichengho jouse hi nahinkho lhumkeiya natoh doh nadinga limgeh
17Ajeh chu nangman hiche hi tuninikho’a Pakai thudol’a naphon dohahi tan, nangma dia tonsot Pathenahi jing in, ama lampi jing a nalamlhah ding chule achonna danjouse le athupeh abon cha najuikimsoh kei ding ahi.
18Pakai jin hiti hin aseiyin nachung chang thu’a aphongdoh in, nangma hi aman a phondoh bang aamite mong mong ama dia lhentumchu nahi ding, athupeh jouse hinanit bukim soh kei ding ahi.
19Chuteng Pakaiyin, asemsavannoi leiset mite lah a choi-atnadim, jabol na dimset a natun dohding ahitai. Pakaiyin aseidohsabang banga nangma hi nam thengtenahi jing ding ahi tai.
