1Chu in Mose’n Israel mite heng’a thu hi chengse hi aseipeh in ahi.
2Ajah uvah hiti hin aseije, Tuninkeima kum jakhat leh kum somni kalhing tai, ajeh chu keima che-valeka bol tah lou ding hichu Pakaiyinka heng’a aseijin, nangman hiche Jordan hi nagal kai thei lou ding ahi, ati.
3Pakai, Pathen chu nama sanglama che ding, Aman nalam kaiding nama sang lama namtin vaipihijat pi hi asuh mang jeng ding, nama sang a nam mite hon chennading gam anei lou diu ahi. Pakaithupeh bang’a Joshua in nalam kailhung ding ahi tai.
4Hiche nam tin vaipi khu jatchung’a khu Pakaiyin Amormitelah a leng teni Sihon leh Og abol nabang banga asuh mang diu ahi.
5Pakaiyin amaho jouse khu nangho khut a ahin pehdoh ding, chutengkeiman ka thupeh bang’a hi naboldiu ahi.
6Kichatna ima nanei thei lou diu, chule nahat uva nahansan diu, ging lou hel a naum diu ahi. Ajehchu nangman na kilhon pihi Pakai, Pathen ahi jing in, Pakaiyin na umpijing in nada lhah lou hel ding ahi.
7Chuin Mose’n jong Joshuaakouvin Israel mite jouse mitmuna heng’a hiti hin asei peh tai. Hatinlang hangsan jing in, mipi hijathi napuija Pakaiyin apu-apate houkhanga akitepna gamsung’a napuilut diu, amaho hi hiche gamsung’a chu nachen sah a agam pumpi nalo sah tei ding ahiye.
8Na masang lama lamkai hi Pakaibou ahin, aman nalhonpi jing in, dalha louva Ijakai asuh bukimsoh ding, hiche miho chung’a khukichatna nanei lou ding, lungthoilouhel a naum jing ding ahi.
9Chuin Mose’n danthu chuasundoh in danthu lekhabu chu Levi chapate Pakai thingkong pu’apangho chengse chu abonchan apesoh keijin ahi.
10Mose’n amaho chengse chu thuapen hiti hin aseiyin ahi. Kum sagiahung kichaiya, ki lhadohna phatahung lhin teng, hichu lhambuh kutbolphat toh kitoh ding ahi.
11Isreal mite hi Pakai, Pathen inadeilhen namunna chu ahung kilahteng le, Israel mite jouse jah dingahiche danthu lekhabu hi nasem doh ding ahi.
12Mipiho jouse chu nakhop kimsoh kei ding, pasal ahin, numeiahin, ajahsoh kei diu Pakai, Pathengindan ahet them cheh diu, hichedanthua ki sei jouse abol doh sohkeina diuva nathu mop cheh diu ahi.
13A jakha lou lai a chilhah te geijin ajah thei na ding in, Jordangalkaiya hiche gamsung nalut tengule hichengse hi nachate hou nahiljing diu ahi. Mose Heng’a Pakai Akilahna
14Pakaiyin Mose henga aseijin, nathi nading nikho ahung naitai, Joshua henga seiyin lang ponbuhsunga hung lut lhon in, chuteng lekeiman Joshua hi tha kapeh kit dingahi. Mose leh Joshua jong achelhon in ponbuh sunga chun aga lutlhon tan ahi.
15Chutah chun Pakai chu ponbuhsunga meibang lom bang in ahungkilah in ahung kitung tan ahi. Hitichun meibang lom chu ponbuhkotpi phung achun khom bang inakitung tan ahi.
16Chuin Pakaiyin, Mose heng’aaseijin, ven! Nangma napu, napatetoh nalup khom nading phat ahungnai tai. Nangma nung teng leh hichemite hi aboncha uva ahet phah louna’u gamsung ahin chot lut diu, pathen lim semthu nung ahin juiuva, notiho lah a vahlut gamdiu, keima umna jeng jong hepha louvaum diu, keima toh kitepna kasemjeng jong asuh keh hel diu ahi tai.
17Chutia achon ni teng uleh keimalunghanna a chung uva hung soudoh jeng ding, keiman jong amaho ka nung ngat jeng ding, chu teng mihon amaho abahgam jeng diu, thilse tincheng le hesoh gentheinanabop diu, eiho Pathen in ei umpilou phat uva thilse hi jatpi hi eihochung’a hung lhung jeng ahi tai, tiaasei diu ahi.
18Hitia thil ahin bol niteng ulehkeiman jong ama hoa konna kamaika sel mang a ka nung sun diu, ajehchu amaho hin pathen semthu hoabel gam tauvin ahi.
19Tun nanghon hichengse sundoh un lang Israel mite henga nahilthem diu ahi. Hiche hi Israel mitedouna keima hettoh sahna apangjing din akam sung uvah mop sohkeijun.
20Ajeh chu apu, apate hou pehdinga ka kihahselna gam sungkhoiju leh bongnoi lonna gamsunga ka hinpui lut phat uvin, anomsa gam tauvin, tun akiheimang gamsoh keijun pathen chomchom abel tauvin, hicheho kinbolin apang un, keima don louvin eikoitauvin ahi.
21Thilse tincheng in ahin lhunden diu, hiche la hi amaho dingahettohsana a hung pang jing dingahi tai. Hiche la hi haimil louhel laachi lhah teu khangeija achin jingdiu, ajeh chu keiman ka tepna gamsung’a ka hin puilut masang uvaalunggel ngaito’u ijakai ka hetsohahi tai.
22Chu in Mose’n jong hiche nikhomama chun la chu asun doh in Israelmite jouse ahil them soh keijin ahi.
23Pakaiyin, Nun chapa Joshuatha apen ahenga hiti hin asei peh tan ahi. Hat jing in, hangsan jing in, ajeh chu nangman Israel chatejouse ka kitepna gam sung’a khunahin pui lut ding, kei man ka umpi jing nai, ati.
24Mose’n jong hiche danthuchengse chu abonchan asun dohsoh keijin, achaina geijin asun dohsoh keijin ahi.
25Chuin Mose’n Pakai kitepnathingkong pua pang Levi mitehenga hiti hin aseipeh tauvin ahi.
26Hiche danthu lekhabu hi, Pakaikitepna thing kong sung’a chunkoijun, hiche nangho douna hettohsahna a pang jing ding ahi tai.
27Ajeh chu doumah mah in nachonin, nalou chal e tijong ka hen, tunvevin, nangho toh ka um jing injong Pakai doumah tampi nabol un, ka thi nung le ijat nabol be diu hi tam!
28Nalah uva upaho jouse na phungkailhah cheh uva kon in ka hengahinsol tauvin, nalah uva vaihommapangho jong hinkou khom unlang, thu hijat chengse hi ahenguva ka seipeh ding, amaho dounahettohsana apang dinga van lehleiset kakou khom ding ahi.
29Ajeh chu keima thi nung tengmelsi tah tah a nachon diu, kathupeh jouse’a konna na kiheimang hel diu ahi ti ka hesoh keiyin, akhonni leh nachung uva thilsehung lhung ding, Pakai mit muathilse jeng nahin bol diu, nakhutchaloh dannu ijakaiya konna Pakailunghanna na chung uva hunglhung jeng ding ahi.
30Mose’n jong hiche la chu Israel mite jouse nabenga ahetsah soh hel tan ahi.
