1Vannoi leiset pumpinngaiyun, ajeh chu keiman naheng uva hiche thu hi ka seiyin ahi. Keima kam sung’a konna thu kisei hi leiset pumpin ngai soh keiyun.
2Keiman nangho jah ding’a ka sei hi goju bang jeng hen, chule ka thusei jong daitui bang in kai jeng hen, hampa lah gotui nel bang in kai hen, hamhing lah a gotuiju bang in hung hen, ati.
3Ajeh chu keiman Pakai min ka sam jal jeng in, O Pathen alen tangeiye, tin sam cheh uhen!
4Pathen hi songpi ahin, athilbol achamkim tangeiye. Ajehchu a lamlhah aboncha thudih jeng ahin, temmona imacha um lou leh kitahna dim jeng ahin, a kitah le a dihna jeng ahi.
5Hiche mitehon vang Ama hi a lam louvin abol un, abon chauvin achate hi khalou tobang asoh tauvin, ajeh chu abon chauva nolna jeng ahiuvin, khang lamvaitah le lungput gih tah ahi tauve.
6Hitobanga chu Pakai hi lethuhna nei ding nagot u ham, vo lungthim beiho, angol gamma na hitauve! Ama hi nasempa, Na Pathen hilou ham? Nangho semma tungdoh achu koi ham?
7Nikho masa lai chu geldoh in, kum masa laiya khang tam tah jong chu geldoh in, napa chu kidoh un aman nahil chen soh kei diu, na upate hou dong leu chun ama hon nahil soh hel diu ahi tai.
8Hatchung-nung pen in nampigoulo ahop peh chun, Aman mihemchateho alheng khen soh keiyin. Israel mite atam leh alhom dungjuijin gamgi ana sat khen peh sohkeiyin ahi.
9Ajeh chu Pakai chan chu amitechan ding ahin, Jacob hi ama chanding hichu agoulo ding mong ahiye.
10Jacob chu gamthip laija akimuin, gam mang thim lah a aki mudohahi. Pakaiyin amahi aveng tup jingin, khohsahna anei jing in, hiti chunamitmu jeng’a khohsahna lhingselaneijin ahi.
11Muvanlai jin abu avil jing a abusung’a anoute avet lhih jing bangin ave lhih jing in ahi. Jacob hikolchah jing ding in alhaving ajahdoh jin, alhaving’a Jacob hi apo lejin ahi.
12Pakai ama tah in ahin pui len, Jacob in aki voppi chu pathen dangahi poi.
13Pakaiyin ama chu leiset chungmun sang lai laiya atousah jin, aman jong lhosoh-ga akilo jin anejin ahi. Songpia kon in khoiju achepsah jin, meituh song akon injong thaotui apot dohsah jin ahi.
14Bonghon lah akon in bongnoiapen, kelngoi hon lah akon in noituiapejin, kelngoiteahinkelngoichalte abonchan thaotui jin avah vajin, Bashan phaichamma bonghonleh kelchan avah jin ahi. Suhlouchang leh lengpitui chu nadon jin ahi.
15Jeshurun chu ahung thaobehsehtan ahile, akeng in athai mang mang in, nang jong nathao behseh tan nanoi gei gol jong achop lha jengtan, Chuin asempa Pathen jeng jongasumil lotan, Ahuhhingpu Pathenjeng jong chu tot chavei nan aneitan ahi.
16Hetphah lou pathen kin aboljeh uchun asu lung hang tauvin, chondan thet umtah tah abol un, Pakai chu aphin lunghang tauvinahi.
17Pathen hilou thilha hoheng’akilhaina asem uvin, Imatih channaahet phah lou u pathen lim semthu, pathen lim kisem thu thah ho, hitobangho chu napu napate honjong ana het khah lou hel ahi.
18Nangman nasempa songpi chunagel jing jeng pon, nahingpa Pathen hi nasumil tan ahi.
19Pakaiyin athilbol u ijakai amuchet phat in akidah lheh jeng tan, achapate, acha nute’u vin aphinlhung hang gam tauvin ahi.
20Chuin Pakaiyin aseijin, keimanhiche mihemte akonna ka mai kaselmang ding, akhonna geiya itobangtauvem ti ka vet lhih jing ding, amaho hi bonchauva khanglamvaitah ahiuvin, asung jeng uva jongtahsanna bei ahibouve.
21Hiche mite hohin Pathen hiloubeh kinbol in apang tauvin, keima ei hepha tapouvin, milimdoi asem hou jeh in keima kalungahansah tauvin, ajeh chu keimanmihem to tethei lou ho kaphinlunghang’aachunguvakathangtom sah ding, nam lah ahangolpen te ka phin lunghang pehding ahiuve.
22Keima kalung ahanna koninmei ahung kong doh jeng in, hichemeichun noimi gamchan akichaitheijin, leiset leh achung’a thiljouse jong akichai hel soh jeng tan, molsang vum jouse jong meiyinakichai soh kei tan ahi.
23Hiche mite chunga hi thilsesimjou lou kasit dimset jeng ding, achung uva thalpi chang ka kap ding ahi.
24Hiche mite hi gilkel a thigamnaato diu, meikong in aleu gam diu, gamna huise in alhun den jeng diu, amaho douna gamsa ka hansahding, leivuija kithol gulsi achunguva kahan sah ding ahi.
25Chule polam a chem jam hemkalap sah ding, insung jeng ajongtijatna jeng lhung ding, nungah-gollhangho aboncha thigam ding, nao noichep leh pasal sam kangsajeng jong atha gamset ding ahi.
26Keiman hitia hi ka seiya, gamjouse’a ka the jal soh hel ding, amaho geldohna bei hel ta ding ahi.
27Hiche melmate kiletsahna hikagin lou ham? Amelmate hougilkel nan hinpha khante, ahiloujong leh hitia hi asei diu, ikhutthahat uvin gal ei josah tauvin, thilhichengse hi Pakaiyin eibol peh uvaahi poi, tia asei diu ahiye.
28Ajeh chu amaho hi lunggelbeiya hinkho mang nam ahiuvin, alungthim sung uva jong hetkhennaima um lou ahiye.
29Hetkhenna nei hileu hitobang hiahetthem diu, kho nung channa atodiu thil jong ahet khen thei diu ahi.
30Mikhat chun mi sang khat chu adel jam thei pon, mini-seh in jongmihem sangsom adel jam thei ponahi.
31Ajeh chu amaho songpi chu eihosongpi tobang ahi pon, imelma te’uhi amaho leh amaho kah a thutan apang jeng ahiuve.
32Amaho lengpigui hi Sadomakonnahungjamlutahin, Gomorrah loujao akonna hungjamdoh ahi. Hiche lengpigaho chu thina thei jing ahin, agaboh jousejong akha ngen ahiye.
33Amaho lengpitui chu gulgu jengahin, aboncha gulsegu phalou ngenjeng ahi.
34Hichengsekeimakommakikhollaahipon, nathilkholkhomna in munna chu mohorkinam khumma hilou ham?
35Phulah leh lethuhna kiti hi aniakeiya ahi. Ajeh chu keng aki lhonaluva, hamsetna ato na diu ahung naitan ahile, hichete manthahna chuhetphah louva hung lhung jeng dingahiye.
36Ajeh chu Pakaiyin amitehosuhdihnaaneiding, alhachatechunga jong lainatna ahin nei theiding ahi. A thahat na’u abonchakichai tading, sohchang a ahin ipihijong leh abei soh tai ti amuchetdiu ahi.
37Chuteng aman hiti ahi asei ding, hichete pathen limsem thu hoija umhitam, akisel nau songpi hoija umhitam, tia asei diu ahi.
38Koijin hiche teho kilhainasathao aneh a, lengpitui don ding’akikoi jong koipen in adon hitam? Hitobang pathen limsem thu hochu hung uvintin, nathoh gimnauva konin nahung pan pitao hen, ati.
39Tun neihin vetem un, Pathenkiti chu keima tah hi kahin, keimatailou pathen dang aum pon, keimatah in mihem ka that jin, hin jongka hinsah kit jin ahi. Kama vojin, ka sudam kit jitai, kei khutna konnaeichulha jou ding koima dang aum pon ahi.
40Ajeh chu keiman vanlam kasangin, atonsot tonsotna hing jing ka hijeh in hiti chun ka seiyin ahi.
41Ka chemjam ka kinol hemteng ka khutna konna thutannaka neijin ahi. Keima eidou chanchung’a phulahna ka lhunsah ding, keima eithet te chunga lethuhna kalhunsah ding ahi.
42Kathalpi chang jouse thisan aka dekot ding, ka chemjam jengin jong tahsa jeng asat gam helding, akithatsa mihemho thisan, sohchannagalhingakikaiho, melma samsao tah tah ho lu katansah jin ahi.
43Vo namtin vaipi te jouse, vahchoiun amiten, ajeh chu Pakaiyinalhacha’a pangte thisan phu chualatan ahi. Ama doute chung’a phualan, amite ding mong monga gamsung hi asuh theng ahi.
44Chuin Mose chu Nun chapa Joshua toh ahung kilhon in, Moseahin Joshua ahin ahi lhon in Israelmite jouse heng’a la thu kisei chuana beng uvah ajah cheh na diuvinasei peh sohkeiyin ahi.
45Mose’n thu chu jat chu Israelmite jouse heng’a asei peh soh keijin ahi.
46Mose’n miho jouse heng’ahiti hin aseiyin ahi. Tunia keimannaheng uva thu hijat ka seipehchengse hi na lungthim cheh uvahkoi soh keijun, hichu nung tengnachate hou henga naseipeh theidiu, chuteng amahon jong hichedanthu a kisei doh jouse hi aboldoh tei na diuva ching thei tah a umding ahiuve.
47Hiche nangho jouse dingathasetna ding ahipon, nahin theinadiujoh ahiye. Hichea konna nagalkai nadiu Jordan gal gamsung’akhu nahin khou sot ding ahi tinaheng uvah aseipeh in ahi.
48Chuni ma ma chun Pakaiyin, Mose jah a hiti hin asei peh in ahi.
49Jericho toh kigalsai, Moabgamsunga, Nebo molsang, Abarimmolsang kiti lai akhun kaldoh in, hiche munna kon khun keiman Israel mite chenna dinga kapehnagamsung, Canaan gamsung khunagavet ding ahi, ati.
50Hiche nakal touna molsangchunga khu nahung thiden ding, namite hotoh nahung kigop khomding ahi tai. Hor molsang chung’anasopipa Aaron athi a amite tohakigop khom bang’a nangma jongnachuti ding ahi tai, ati.
51Ajeh chu Zin gamthip noi, Meribath-Kadesh tui phunga Israelmite lailungtah ah keima thu napalkeh in, hiche munna chun Israelmite lah keima hi atheng in nei boltapon ahi.
52Hijeh achu nangman namasang lama hiche gamsung khu namita namu bepding, ahinlah keiman Israel mite kapehna gamsung vangnachutlut thei lou ding ahitai.
