1Nagal mite toh kisat ding’anakon doh teng leh, sakol ahin kangtalai, nanga sanga tamjo namu ding, ahin lah kichat na nanei louhel ding ahi. Ajeh chu nangma Egypt gamsung’a konna nahinpui doh na Pakai, Pathen in naumpi jing in ahi!
2Galmun nalhun teng uleh nalah uva thempupa vang chu mipi jouse masang lama namakai sah diu ahi.
3Chule mipi henga thu asei ding, Vo Israel ngaijin! Kichatna jong neihih’un ajeh chu tunia nangma nachia amaho khu naga kisatpi ding ahi! Nagal mite’u kichat nan kihot hih unlang, gin jong nagin louhel diu ahi.
4Ajeh chu Pakai, Pathen in nanagho dinga gal asat ding! Na masang lam uva lamkai jing ding galjona nachan diu ahi!
5Chuphat leh vaihom natonga pang hon mipi henga hitia hi asei diu ahi. Koiham inthah tungdoh a thenso louva koi? Nalah uva hitobang mihem chu auma ahile, ama chu galmun na thi den jeng thei ahi. A thiden khah tah’a ahileh, a in chu mi dang ding’a thensona um ding ahi.
6Lengpi lei laija natong’a lengpi thei tepkha lou koiham? Amapa jong chu inlam a kile jeng thei ahi. Achuti louva ahile galmunna chu thina ato jeng thei ahi, alengpi lei jeng jong mi dang chan lo ding ahi.
7Hiche bang chun pasal koi tobang khat chu jinei ding’a kigosa dem a umta, ahinla jinei loulai koi ham? Ajeh chu hiche pasalpa chugalmunna thina chang jeng tahenlang hile, aji ding nu chu mi dangchang jeng thei ahi.
8Chuleh vaihom natong apang honmipi henga hitia hi asei nah lai diuahi. Kichatna neija mihem um em, ahiloule nalah uva kihol lal tah aum koiham? Achuti louva ahileama dinmun kihol lal nan avopbanga aloi apai lungthim jong hitiachu um jeng thei ahi, tia vaihomnatong a pangho chun asei diu ahi.
9Vaihom natong’a pangho chunmipi henga hitia chu asei chaisohkei teng ule, amaho chengse chuvaihom natonga kipansah soh kei diu ahi.
10Chuleh khopi khat bang chu galkisat piding’a nagel khah a ahile, amasa tah in hiche khopi chu kicham pi ding’a na tep ding ahi.
11Hiche khopi chun natepna ahinngaiya naheng’a ahung khah tah aahile nangman jong hiche khopi chuna heng’a na lutsah ding, amahochu nangma vaihomna noiya pangdiu chule nakin bol lea jong pang diu ahi.
12Ahinlah hiche khopi chunnnagma toh kicham ding gel louvakidoupi ding joh agella ahile, apattah a akhopi chu na-um kimvel sohkei ding ahi.
13Chu teng Pakai, Pathenin hichekhopi chu nangma khutna nahinpehlut ding, nangman jong pasal akailhah nasat lih soh hel ding ahi.
14Chuleh hiche khopi sung’acheng numei le chapang, thilkeo, thilkeo kisuthang deh tobang’a nabanchomkhomdinghichu nangma ding ahi tai. Ajeh chu Pakai, Pathenin na pehsa hichekhopi sung’a konna chu nopsa taha naman chah jeng ding ahi.
15Nangma akonna gamlha tah aum khopi ho jouse chu hi tia chuna bol ding, chule nakom cha aum khopi jouse jong nabol na dingtotoh a nabol cheh ding ahi.
16Amavang Pakai, Patheninnapehsa hiche khopi chengse hi, ahing thei jouse nasuh gam jengding ahi.
17Ajeh chu Pakai, Patheninnaheng’a asei bang’a, Hit mite, Amor mite, Canan mite, Periz mite, Hiv mite chule Jebus mite hi jongle abon chauva nasuh gam hel dingahi.
18Chutile hiche mite akonna chumilim doi kisem thu ho’a konnanakihei mang thei diu, amahopathen semthu’a konna nakiven tupuva, nalhah lut lou hel diu ahi.
19Phatsot tah nung’a nangmanhiche khopi khat chu nakisat pijeng tah a, akhopi chu lah tei dingna gotna ahile, amaho le khopidouna ahiye tia hei cha mangchaa thingphung ho chu naphuh lhuhlouhel ding ahi. Ajeh chu hichething phung hohi nangman jongaga naneh ding ahijeh chun, galmitobanga nagel a nasuh gam lou helding ahi.
20Chule hiche khopi sung’athingga nehthei lou ahi tia nagelchengse vang chu naphuh lhuh sohkeiya, hicheho chu nangman jongkhopi sung alhuh kahse’agalman
