1Chuin Mose chu Israel upa chengse toh akilhon tan, miho henga hiti hin aseiye. Tuniaka thupeh chengse hi aboncha nanitsoh kei diu ahi.
2Pakai, Pathenin napeh na’ugamsung nahin jot uva Jordanvadungnahunggalkaitenguleh, song len phabep natun dohding hiche songho chu song-loumangcha a abonna na loinam sohkei ding ahi.
3Hiche song kiphutho chung’a chu Pakaiyin, napu luite hou heng’aa thutep sa bang’a nagal kai tahjeh uva, Pakai, Pathenin na pehnagamsung nalut teng, dan thua kiseithu chengse aboncha najihlut sohkei ding ahi.
4Tunia kathupeh banga Jordan nagal kai teng ule songho chu naphudohsohkeidiu, Ebalmolchung’a chu natun doh sohkei diu, hiche songho chu abonchasong-lou mangcha a na loijolnamsoh kei diu ahi.
5Hiche munna chu Pakai, Pathendinga maicham khat natun doh ding, maicham chu song jeng mangchaa nasem ding, songho suhnam nadinga chu thih jeng naman lou dingahi.
6Pakai, Pathen dinga natun dohmaicham chu thih manchah jenghilou ding, hiche maicham chupumgo thilto katdohna a namanchah ding ahi.
7Hiche maicham chunga chuchamna thil jong nakat doh ding, asa jong chu nangman naneh jengding, Pakai, Pathen angsunga kipahtah a naum ding ahi.
8Chu teng danthu jouse hi abonchakichihsella hiche song chung’a hinajih doh sohkei ding ahi.
9Chuin Mose jong Levi thempuhojaonan thu aseiyin, Israel insungpumpi heng’a hiti hin asei tan ahi. Vo Israel ngaijun, tuni apat nangma Pakai, Pathen ding’a amite nahitai
10Ajeh chu nangman Pakai, Pathenthusei jeng nangai ding, athupeh lehtunia achonna dan thupeh chengseaboncha najui kim soh kei ding ahi.
11Mose’n jong mipi jouse chuaphohsal jeng in aheng uvah hitihin asei tan ahi.
12Jordan vadung nagal kai tengule mipi aboncha phatthei bohnachang ding’a aboncha Gerizim molchung’a ding den soh kei diu ahi. Simeon ahin, Levi, Judah, Issachar, Joseph chule Benjam inhichengse chu hi ding ahi.
13Ebal molsang gaosap chansahding’a mipi hijat chu kitang dending Reuben, Gad, Asher, Zebulun, Dan chule Naphtali ahiuve.
14Chu teng Levi miten jong aw-sangtah a a phondoh uva Israel pumpin hichu ajah soh kei diu ahi.
15Chule Pakaija dia thet ummihem khutsem milim kilha jol ho, guhthim a hou ding go ah michuapat patna gaosapna chang jengding ahi, tia lhangphong tah a asapjal diu, mipin jong hichu a donbut’a Amen! Atipeh diu ahi.
16Koi hile anu le apa jabol loumihem chu gaosap na chang jenghen tia asap teng, hichu a donbutuva Amen! a tipeh diu ahi.
17Aheng akom asopi toh agamgisukeh chan chu gaosapna changjeng ding ahi. Hichu mipi honadonbut diu, Amen! ati peh diu ahi.
18Lamlhahna dunga mitcho elbaisuhgim ham, puicha vai ham khatchu gaosapna chang jeng ding ahi. Hiche jong chu mipin a donbut’a, Amen! atipeh diu ahi.
19Kholjin miho le chaga meithaikikah a thu adih louva tan ah mihemchu gaosapna chang jeng ding ahi. Hitia ahinsei teng mipin a donbut’a, Amen! ati sohkei diu ahi.
20Pasal khat tou vin apa jinu chualup pi khah tah a ahile amapa chugaosapna chang jeng ding ahi. Ajehchu amapa hin apa jinu nih ahopehe atiule mipin jong, Amen! tia a donbut diu ahi.
21Ijem tia gancha toh lumkhom aumkhahtahahileamachu gaosapna chang jeng hen, tia asei teng mipin jong, Amen! tia a donbut diu ahi.
22Pasal koi hile apa sopi nu toh lum khom ham, ahilou leh anu chanu toh lumkhom a uma ahile amapa chu gaosapna chang jeng hen tia asei teng le, mipin jong Amen! tia a donbut ding ahi.
23Pasal koi hile ajinu, nu toh lumkhom auma ahile ama chu gaosapna chang jeng hen tia asei teng, mipin jong Amen! tia adonbut diu ahi.
24Mihem koi hijong le aheng akomma cheng a sopipa aguh a thimtha tapou chu gaosapna chang jeng ding ahi, tia asei teng le mipin jong Amen! tia adon but ding ahi.
25Themmonabeiyamihem chung’a thina chansah ding’a sum guh ne ah mihem chu gaosapna chang jeng ding ahi tia aseiteng le Amen! tia adon but diu ahi.
26Koihileh athu seidoh sa aboncha tong molso lou chan chu gaosapna a chung’a chang ding ahi. Hichu mipi hon aboncha uva Amen! tia adon but soh kei diu ahi.
