Agoago Podo 6:27-35

²⁷E hai behee? Goe e mee di kae di ahi i do hadahada, gei oo gahu hagalee wwele?

²⁸E hai behee? Goe e mee di haele i hongo nia hadu wwele, gei oo wae hagalee wwele?

²⁹Dela gadoo di hagalliga di kii i baahi di lodo o tuai daane. Koai e hai di maa, gaa tale gi di haingadaa.

³⁰Nia daangada e hagalee hagawelewele gi tangada gaiaa, maa mee ne gaiaa ana meegai i dono hiigai.

³¹Mee gaa gida, mee e hai loo gii hui nnolongo e hidu gi nonua. Mee e hai loo gi dahi aga ana mee huogodoo ala e hai mee ginai.

³²Malaa taane ne hai dana hala mouli be di manu, le e deai ono hagamaanadu ai. Mee e bida oho eia gi daha.

³³Mee ga haga balumee go nia daangada, ga dadaaligi, ga hagauwwou hua beelaa.

³⁴Di manawa dubua o taane hai lodo la koia e kono, e deemee di dugu.

³⁵Mee hagalee hiihai gi di hui, deai di wanga dehuia gaa mee di dugu di hagawelewele o maa ai.