Prabebs 6:27-35

²⁷“Wal if yu garrimap brabli hotwan eshis langa yu briskit yu garra barnimap yu klos.

²⁸En if yu wok ontop langa hotwan eshis yu garra barnim yu dubala fut.

²⁹Wal seimwei lagijat du yu garra meigimbat trabul blanga yu ronselp wen yu silipsilipbat garram najamen waif. Wal if enibodi dum detkain ting, wal im garra abum panishmen.

³⁰“Wal pipul nomo heidimbat sambodi hu stilimbat enijing dumaji im hanggriwan,

³¹bat if sambodi faindim im stilimbat, wal im garra lafta peibek sebentaim blanga wanim imbin stilimbat. Im garra gibit ol im ebrijing weya im garram.

³²“Wal eni men hu go en silipsilipbat garram najamen waif, im nomo sabi enijing. Im garra binijimap miselp.

³³Im garra sheim miselp en im garra gedim haiding en im garra jidan sheimwan olagijawan.

³⁴Det hasbin im gitwail brabliwei wen im jelas. Im kaan sori langa det najawan men.

³⁵Nomo enikain ting o mani garra meigim im sedisfaid! Im garra kipgon jidanbat wailwan!”