Yosuwe 21:8-29

⁸Kɔ aka Yisrayel ŋaŋkot yampuŋ-puŋ kɔ ŋasɔŋ aLewy sədare sasɔkɔ kəlɛkɛnɛ culum ca si, pəmɔ tɔkɔ Kanu Kəpɔŋ kənasom ti Musa mɔ.

⁹Nde ntɔf ya cusuŋka ca Yuda kɔ Simɔŋ anasɔŋ sədare

¹⁰afum a Aruna, aka kor ka Kehat wan ka Lewy, bawo ŋa ŋɔ yampuŋ-puŋ yɛnanuŋkɛnɛ kəmentər. K'anaboŋcər ŋa sədare sasɔkɔ mewe.

¹¹Kɔ aka Yisrayel ŋasɔŋ aka Kehat Kiriyat-Arba kɔ culum cacɔkɔ cənɔŋkər di mɔ. Aŋwe sɔ dare dandɛ tewe ta Hebərɔŋ. Arba ɛnayɔnɛ papa wəka Anak.

¹²Mba sədalɛ sa dare dɔpɔŋ kɔ sədare səfɛt sa si k'asɔŋ Kalebi wan ka Yefune.

¹³Kɔ ŋasɔŋ awut a wəloŋnɛ Aruna Hebərɔŋ, dare da kəgbɔpənɛ ndɛ wədif fum ta ɛyɛfɛnɛ ti ɛntam kəyacnɛ mɔ, Libana,

¹⁴Yatir, Esitemo,

¹⁵Holon, Debir,

¹⁶Ayin, Yuta kɔ Bɛt-Sɛmɛs, sədare camət-maŋkəlɛ (9) ca cusuŋka ca Simɔŋ kɔ Beŋyamin kəlɛkɛnɛ culum ca si.

¹⁷Nde atɔf ŋa Beŋyamin kɔ ŋasɔtɔ Kabayɔŋ, Keba,

¹⁸Anatot, kɔ Halmon. Itɔ tatɔkɔ sədare maŋkəlɛ kɔ culum ca si.

¹⁹Aloŋnɛ aŋɛ ŋanayɔnɛ aka kusuŋka ka Aruna mɔ ŋanasɔtɔ sədare wəco kɔ maas (13) kɔ culum ca si.

²⁰Cor ca aka Kehat cəlpəs aŋɛ ŋanayɔnɛ kusuŋka ka Lewy mɔ, kɔ ŋasɔtɔ sədare nde antɔf ŋa kusuŋka ka Efrayim.

²¹K'asɔŋ ŋa Sɛkɛm dare da kəgbɔpənɛ nde mɔrɔ ma Efrayim, Keser,

²²Kibasayim, kɔ Bɛt-Horon, sədare maŋkəlɛ (4) kəlɛkɛnɛ culum ca si.

²³K'asɔŋ kusuŋka ka Dan: Elteke, Kibeton,

²⁴Ayalon, kɔ Kat-Rimon, sədare maŋkəlɛ (4) kəlɛkɛnɛ culum ca si.

²⁵K'asɔŋ kusuŋka dacɔ ka Manase: Tahanak kɔ Kat-Rimon, sədare mɛrəŋ (2) kəlɛkɛnɛ culum ca si.

²⁶Cor ca afum a Kehat alɔma cənasɔtɔ sədare wəco (10) kɔ culum ca si.

²⁷K'asɔŋ afum a Kerson cor ca aLewy dacɔ: Ŋasɔtər aka kusuŋka dacɔ ka Manase nde Yurdɛn kəsək ntende dec dɛmpɛ mɔ sədare mɛrəŋ (2) kɔ culum ca si: Kolan nde Basan disrɛ, dare da kəgbɔpənɛ, kɔ Bɛstara.

²⁸K'asɔŋ kusuŋka ka Yisakar: Kisiyon, Daberat,

²⁹Yarmut, kɔ En-Kanim, sədare maŋkəlɛ (4) kəlɛkɛnɛ culum ca si.