Joshua 21:8-29

⁸Te tlam te BOEIPA loh Moses kut ah a uen vanbangla khopuei rhoek neh a khocaak rhoek he Israel ca rhoek loh Levi rhoek ham hmulung neh a suem pa uh.

⁹A ming la a khue khopuei rhoek te Judah ca rhoek cako neh Simeon ca rhoek cako khui lamkah khaw a suem pa uh.

¹⁰hmulung lamhma loh a nan coeng dongah Aaron ca rhoek ham te Kohathi huiko khui lamkah neh Levi ca rhoek khui lakah khaw a om pah.

¹¹Judah tlang ah Anak napa Kiriatharba kah Hebron neh a kaepvai kah a khocaak te amih ham a suem pa uh.

¹²Tedae khopuei vangca kah lohma te tah Jephunneh capa Kaleb taengah a khohut la paek uh.

¹³Hlang aka ngawn kah hlipyingnah khopuei la Hebron neh a khocaak, Libnah neh a khocaak,

¹⁴Jattir neh a khocaak, Eshtmoa neh a khocaak,

¹⁵Holon neh a khocaak, Debir neh a khocaak,

¹⁶Ayin neh a khocaak, Juttah neh a khocaak, Bethshemesh neh a khocaak, amih koca rhoi khui lamkah khopuei pako,

¹⁷Benjamin koca rhoek khui lamkah Gibeon neh a khocaak, Geba neh a khocaak,

¹⁸Anathoth neh a khocaak, Almon neh a khocaak kho pali te khosoih Aaron ca rhoek taengah a paek uh.

¹⁹Khosoih Aaron ca rhoek kah khopuei boeih he khopuei neh a khocaak bung hlai thum a lo pah.

²⁰Kohath ca rhoek khui lamkah aka hoei Levi Kohath ca rhoek kah a hui a ko, Ephraim koca rhoek lamkah ham khaw khopuei hmulung a om pah.

²¹Te vaengah amih te hlang aka ngawn kah hlipyingnah khopuei Shekhem neh Ephraim tlang kah a khocaak, Gezer neh a khocaak,

²²Kibzaim neh a khocaak, Bethhoron neh a khocaak khopuei pali,

²³Dan koca rhoek khui lamkah Eltekeh neh a khocaak, Gibbethon neh a khocaak,

²⁴Aijalon neh a khocaak, Gathrimmon neh a khocaak khopuei pali,

²⁵Manasseh koca hlangvang taeng lamkah Taanak neh a khocaak, Gathrimmon a khocaak khopuei panit,

²⁶Kohath ca rhoek kah a hui a ko aka coih rhoek ham a pum la khopuei neh a khocaak parha a lo pah.

²⁷Levi kah a hui a ko Gershon ca rhoek ham khaw Manasseh koca hlangvang taeng lamkah hlang aka ngawn kah hlipyingnah khopuei, Bashan ah Golan neh a khocaak, Beeshtarah neh a khocaak kho panit,

²⁸Issakhar koca rhoek taeng lamkah Kishion neh a khocaak Daberath neh a khocaak,

²⁹Jarmuth neh a khocaak, Engannim neh a khocaak khopuei pali,