Yeşua 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹İkinci püşk nəsillərinə görə Şimeona – Şimeon övladlarının qəbiləsinə düşdü. Onların irs torpağı Yəhuda övladlarının irs torpağı arasında idi.

²Onların irs torpaqları bunlar idi: Beer-Şeva, Şeva, Molada,

³Xasar-Şual, Bala, Esem,

⁴Eltolad, Betul, Xorma,

⁵Ziqlaq, Bet-Markavot, Xasar-Susa,

⁶Bet-Levaot, Şaruxen, yəni kəndləri ilə birlikdə on üç şəhər;

⁷Ayin, Rimmon, Eter, Aşan, yəni kəndləri ilə birlikdə dörd şəhər;

⁸Baalat-Beerə, yəni cənubda Ramaya qədər bu şəhərlərin ətrafındakı bütün kəndlər onların irs olan torpağı idi. Bunlar nəsillərinə görə Şimeon övladları qəbiləsinin irs olan torpaqlarıdır.

⁹Şimeon övladlarının irs olan torpağı Yəhuda övladlarının payından oldu, çünki Yəhuda övladlarının payı onlar üçün çox idi. Buna görə də Şimeon övladları onların torpaqları arasında irs torpaqlarını aldılar.

¹⁰Üçüncü püşk nəsillərinə görə Zevulun övladlarına düşdü. Onların irs olan torpağının sərhədi Saridə qədərdir.

¹¹Sonra sərhədi Maralaya qədər – qərbə doğru yüksəlib Dabbeşetdən keçərək Yoqneam qarşısında olan vadiyə çatırdı.

¹²Sariddən şərqə – gün doğana tərəf Kislot-Tavor sərhədinə dönüb Davrata qalxaraq Yafiaya yüksəlirdi.

¹³Oradan şərqə doğru Qat-Xeferə, Et-Qasinə keçirdi və Neaya dönən Rimmona qalxırdı.

¹⁴Şimala tərəf sərhəd Xannatona dönüb sonu İftah-El dərəsində idi.

¹⁵Qattat, Nahalal, Şimron, İdala, Bet-Lexem, yəni kəndləri ilə birlikdə on iki şəhər idi.

¹⁶Nəsillərinə görə Zevulun övladlarının irsi olan torpaq kəndləri ilə birlikdə bu şəhərlər idi.

¹⁷Dördüncü püşk nəsillərinə görə İssakara – İssakar övladlarına düşdü.

¹⁸Onların torpağı İzreel, Kesulot, Şunem,

¹⁹Xafarayim, Şion, Anaxarat,

²⁰Rabbit, Qişyon, Eves,

²¹Remet, En-Qannim, En-Xadda, Bet-Passes idi.

²²Sərhəd Tavora, Şaxsivmaya, Bet-Şemeşə çatırdı. Sərhədlərinin sonu İordan çayında idi. Bunlar kəndləri ilə birlikdə on altı şəhər idi.

²³Nəsillərinə görə İssakar övladları qəbiləsinin irs olan kəndləri ilə birlikdə bu şəhərlər idi.

²⁴Beşinci püşk nəsillərinə görə Aşer övladları qəbiləsinə düşdü.

²⁵Onların torpağı Xelqat, Xali, Beten, Akşaf,

²⁶Alamelek, Amad və Mişal idi. Sərhəd qərbə tərəf Karmelə, Şixor-Livnata çatırdı,

²⁷Gündoğana tərəf Bet-Daqona dönürdü. Sonra şimala tərəf Zevuluna, İftah-El dərəsinə, oradan Bet-Emeqə, Neielə çatırdı, sonra şimala doğru Kavula,

²⁸Evrona, Rexova, Xammona, Qanaya, böyük Sidona qədər çatırdı.

²⁹Onda sərhəd Ramaya, qalalı Sur şəhərinə dönürdü. Sərhəd Xosaya dönürdü, sonu Akziv,

³⁰Uma, Afeq, Rexov torpağında dənizdə qurtarırdı. Bunlar kəndləri ilə birlikdə iyirmi iki şəhər idi.

³¹Nəsillərinə görə Aşer övladları qəbiləsinin irs olan torpaqları kəndləri ilə birlikdə bu şəhərlər idi.

³²Altıncı püşk Naftali övladları üçün nəsillərinə görə Naftali övladlarına düşdü.

³³Onların sərhədi Xelefdən Saanannimdəki palıd ağacından başlayaraq Adami-Negev və Yavneeli keçib Laqquma çatır, sonu isə İordan çayında bitirdi.

³⁴Sərhəd qərbə doğru Aznot-Tavora dönüb oradan Xuqoqa qalxırdı. Cənubda Zevuluna, qərbdə Aşerə, gündoğana tərəf İordan çayına çatırdı.

³⁵Qalalı şəhərlər bunlar idi: Siddim, Ser, Xammat, Raqqat, Kinneret,

³⁶Adama, Rama, Xasor,

³⁷Qedeş, Edrei, En-Xasor,

³⁸İreon, Miqdal-El, Xorem, Bet-Anat, Bet-Şemeş. Bunlar kəndləri ilə birlikdə on doqquz şəhər idi.

³⁹Nəsillərinə görə Naftali övladları qəbiləsinin irs olan torpaqları kəndləri ilə birlikdə bu şəhərlər idi.

⁴⁰Yeddinci püşk nəsillərinə görə Dan övladları qəbiləsinə düşdü.

⁴¹İrs torpaqları bunlar idi: Sora, Eştaol, İr-Şemeş,

⁴²Şaalabbin, Ayyalon, İtla,

⁴³Elon, Timna, Eqron,

⁴⁴Elteqe, Gibbeton, Baalat,

⁴⁵Yehud, Bene-Beraq, Qat-Rimmon,

⁴⁶Me-Yarqon, Yafo qarşısında olan sərhədi ilə Raqqon.

⁴⁷Amma Dan övladlarının torpağı onların əlindən çıxdı. Ona görə də Dan övladları Leşem üzərinə döyüşə getdilər. Oranı alıb əhalisini qılıncdan keçirtdilər və oraya sahib olub məskən saldılar. Ataları Danın şərəfinə görə Leşemə Dan adı verdilər.

⁴⁸Nəsillərinə görə Dan övladları qəbiləsinin irs olan kəndləri ilə birlikdə bu şəhərlər idi.

⁴⁹Ölkəni torpaq paylarına görə irs olaraq bölüşdürüb qurtarandan sonra İsrail övladları Nun oğlu Yeşuaya aralarında irs olaraq torpaq verdilər.

⁵⁰Rəbbin əmrinə görə istədiyi şəhəri – Efrayimin dağlıq bölgəsində Timnat-Serahı ona verdilər. O da bu şəhəri tikib orada yaşadı.

⁵¹Şilodakı Hüzur çadırının girişində, Rəbbin hüzurunda kahin Eleazarın, Nun oğlu Yeşuanın, İsrail qəbilələrinin nəsil başçılarının püşk ilə bölüşdürdükləri irs torpaqlar bunlar idi. Beləliklə, onlar ölkənin bölüşdürülməsini başa çatdırdılar.