Josua 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Te augwaligo si wali tǫ dąį ilali, te Simeongo hani sibi deli deliba mani. Te tǫ pedai te augwaligo te Judago tǫ dąį ilali madi, te tǫ tomode elaluali.

²Te tǫ pedaigo sigi pali tǫ te e hanu dabe elaluali, Berseba, aga gasa nogi Seba, te Molada,

³Hasarsual, Bala, Esem,

⁴Eltolat, Betul, Horma,

⁵Siklak, Bet Markabot, Hasarsusa,

⁶Bet Lebaot, Saruhen, te tama hanu tǫ sali. Te 13 hanu dabe dali, te pąde bulu dali elaluali.

⁷Te e tama hanu me elaluali, Ain, me Rimon, me Eter, me Asan, tama elaluali. Te hanu me si me si dali, te pąde bulu dabe dali elaluali.

⁸Te Balatber teba dąį igi pali, te gasa nogi wabo Rama tama, te Negev pedai badu elaluali, tama tede elalubo dwasianu bulu dabe elaluali. Te tama tǫ pedai naga te Simeongo hani sibi deli deligo sai dao.

⁹Te Simeongo tǫ te Judago tǫ tomode elaluali. Te augwaligo Judago tǫ dąį ilali te genuai mu elaluali. Tama tibaso, te Juda dabego usu da po weyu, tama te tǫ pedai me badu te Simeongo hanigo sali.

¹⁰Te sela wali tǫ augwaligo te Sebulungo hani sibi deli delibolo dąį ilama, mani. Te augwaligo sali tǫ dąį pali, te Sarit dąį igi pali.

¹¹Tama dąį pali, te giliga dega sabo badu te Mareal dąį igi pelama, te Dabeset te pąba sabolama, tama te Jokneam pąde elalubo dwasianu wę te giliga pedalubo badu sabolali.

¹²Te Sarit pedai badu, te dąį pali, te Kislot Tabor te giliga pedalubo te sesege badu dąį igi palima, te pelama, Daberat sabolama, tama te Jafia te ugwaba pelama, sabolali.

¹³Tama dąį pidubadi, te giliga pedalubo te dąį igi pelama, te Gathefer me Etkasin, teba sabolama, tama begelalima, te Nea badu te Rimon teba pabo sunumi te dąį igi pai.

¹⁴Tama te not badu dąį begelali, te Hanaton dąį igi palima, tama te Iptahel tǫ maluba pedelali.

¹⁵Tama te tǫgo te Katat, me Nahalal, me Simron, me Idala, me Betlehem, te tama hanu sigi pali. Te 12 te tama hanu dali, te pąde bulu dabe dali elaluali.

¹⁶Te hanu dabe dali, te pąde elaluali bulu dabe dali, te Sebulungo hani sibi deli deligo sali tǫde te pedaide elaluali.

¹⁷Te tǫ me si me si wali te augwaligo te Isakar hani sibi deli deliba sa munama mani.

¹⁸Te tǫ pedaigo te Jesril, Kesulot, Sunem, te tama hanu sali,

¹⁹Hafaraim, Sion, Anaharat,

²⁰Rabit, Kision, Ebes,

²¹Remet, Enganim, Enhada, Betpases, te tama hanu dabe sali.

²²Tama dąį pali, te Tabor pąba sabolama, tama te Sahasuma, me Betsemes dąį igi pelama, tama pali, te wę Jordanba sabolali. Agai te 16 hanu te tama hanu dali, te bulu pąde elaluali bulu dabe dali sai dao.

²³Te hanu me bulu dabe dali, te tǫ pedai me te Isakargo hani sibi dabego sali.

²⁴Te tǫ pedai a naga wali te augwaligo Asergo hanigo somainogo sa muani.

²⁵Te tǫ pedai te Helkat, me Hali, me Beten, me Aksap, te tama hanu sobadi,

²⁶tama te Alamelek, me Amat, me Misal, te tama sali. Te giliga dega sabo badu te Karmel me Sihorlipnat te pąba pedelali.

²⁷Tama dąį begelali, te giliga pedalubo madi teba sabolali, te Betdagon te dąį igi pelama, tama palima, te Sebulungo tǫ pąba dąį igi pelama, tama te Iptahel te tǫ maludu pelama, te not te Betemek me Neiel sabolali. Tama dąį pidubadi, te not badu te Kabul dąį igi pelama,

²⁸tama Ebron, me Rehop, me Hamon, me Kana tama pali, te genuai hanu Saidonba sabolali.

²⁹Tama te dąį begelama, te Rama teba pelama, tama te Tairba pedelali, te hanude te dila pai obo masigigo bagulai elaluali. Tama te dąį begelalima, te Hosaba pelama, tama pali, te Mediterenian Tamu Ąį te badu sabolali. Te tǫ pedaigo te Mahalap, me Aksip sobadi,

³⁰me Uma, me Afek, me Rehop, te tama tǫ me hanu sobadi yali. Te 22 hanu, te tama hanu badi, te pąde elaluali bulu dabe dali sobadi yali.

³¹Te hanu me, te bulu dabe dali, te tǫ dali te Asergo hani sibi deli deligo sali tǫde elaluali.

³²Te a naga olama, me badu nogo kibisa deli wali tǫ te augwaligo Naptaligo hani sibi deli delibolo dąį ilali.

³³Te augwaligo dąį eyu, te Helep tagalama, tama te Sananimde elaluali ni ok te dąį igi pelama, tama te Adami Nekep me Japnel dąį igi pelama, tama pali, te Lakum dąį igi pelama, tama te wę Jordanba siligi pali.

³⁴Tama dąį pali, te giliga dulubo badu begelama, te Asnot Tabor, me Hukok te dąį igi pelama, tama te Sebulungo tǫ te saut pąbadu sabolama, tama te Asergo tǫ badu, me te giliga dega sabo badu pelama, te Judago tǫ badu dąį igi palima, te giliga pedalubo badu te wę Jordan dąį igi pai.

³⁵Te dili yai masigigo nigali obo bagulali elaluali hanu dabe te e dao, Sidim, Ser, Hamat, Rakat, Kineret,

³⁶Adama, Rama, Hasor,

³⁷Kedes, Edrei, Enhasor,

³⁸Yiron, Mikdalel, Horem, Betanat, me Betsemes. Te hanu dabe dali, te gasa hanu dali nedeyu, te 19 tama hanu dali te tama bulu pąde dabe dali elaluali.

³⁹Te tama hanu me, te bulu dabe dali, te Naptali hani sibi deli deligo sali tǫde elaluali.

⁴⁰Te a naga olama, me badu nogo si tǫ te augwaligo Dan hani sibi deli delibolo sa muani.

⁴¹Te tǫ pedaigo te e tama hanu sali, Sora, Estaol, Irsemes,

⁴²Salabin, Aijalon, Itla,

⁴³Elon, Timna, Ekron,

⁴⁴Elteke, Gibeton, Balat,

⁴⁵Jehut, Beneberak, Gatrimon,

⁴⁶Mejarkon, me Rakon, me te Jopa, te bulu habu badu elaluali.

⁴⁷Nosali te Dango hani dabe bidali tǫde te tǫ page bidi dabego augwali ela gudulai. Tama tibaso, te Dan dabe te Lesem buluba pelama, tama augwali dali boi hwįgi pali. Augwaligo te hanu sainu, te hanude bidali bulu page bidi dabe te tigidali ela silai. Nosali augwaligo te po wali, te tǫ te augwa tǫ dao wali, tama augwali tede bidaluali. Augwaligo te hanu Lesem te nogi hasegelama, tama augwaligo te nogi Dan poali, te augwa wąįgo nogi tiwai mu dolo poali.

⁴⁸Te bulude te elaluali hanu, me te pąde elaluali bulu dabe dali, te Dango hani sibi deli deli augwa sali.

⁴⁹Te Israel dabe augwaligo te tigidali tǫ sesabela silama, tama augwaligo te tǫ pedai me deli te Josua mani, te aga Nungo ogwa dao.

⁵⁰Josuago te bidi dabe augwalibolo hanaluyu, te Timnat Sera, te Efraimgo bulu du pedai badu mao po wali. Tialima, augwaligo agabolo te hanu mani, te Genuai Bidigo po wali gilama tama tiali. Tama Josuago te hanu ma nigilama, tama aga te hanude bidali.

⁵¹Te pris Eleasar, me Josua te Nungo ogwa, tama te tigidali deli deli Israel hani sibi tigidalide te augwa genuai bidi deliba sisinama, te augwaligo te tǫ dobabo po dodolobo sę elama, te mena tǫ te Genuai Bidigo augwalibolo mabowe naga koneainogo yali. Te genuai bidi dabego te tiwai sę te Silo bulu pąde, te God dali deli sisinabo ugwa be sunumi pąde tama tiwai sę yai. Tama te tǫ dąį ebo, me te tǫ dobabo sę me, te silalio.