Joshua 19

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Anichanna’a alodiova gamkipechu Simeon phung sunga phung bahkaiho chu ahiuve.

²Simeon gamlo dinga kipe hochu Beersheba, Sheba, Moladah,

³Hazar-shual, Belah, Ezem,

⁴Eltolad, Belhul, Hormah,

⁵Ziklag, Bethmarcaboth, Hazar- susah,

⁶Beth-lebaoth chuleh Sharuhon khopi somle thum toh avella khoho puma ahop ahi.

⁷Hichun Ain, Rimmon, Ether, chule Ashan khopi li hotoh akhoneohojong ahopme.

⁸Avelluva khohop jouse toh Baalath-beer (Negev ma Ramahjong akitin ahi) changei ahi. Hichehohi Simeon phungle abahkhai hogamlo dinga kipea chu ahi.

⁹Amaho kipe gamhi Judah tegamphabep kikah lha a kipe ahi. Ajeh chu Judah gamchu amahodinga analen valla ahi. Hijeh chun Judah gamsunga konnin Simeonphungin gamchan phabep aneijinahi.

¹⁰Athum channa gamloding chankipe chu: Zebulun phung sungaabahkhaihoahiuve. Zebulunchenna gamgi chu Sarid na ahungkipan ahi.

¹¹Hichea konchun lhumlammaachen Maralah ahopan Dabbeeshethakhokhellin Jokneam vadungneolang ajonnin ahi.

¹²Sarid napat chun agamgihigamchomjepmaakiheijin, Kishloth-taborgamgilangnisolamma nisa hungsodoh nalamajontai. Chuin Deberath lang ajonkitnin, Japhia langa akilhung touve,

¹³Japhia patchun nisolam ahinlhahin nisa hungsodoh jina Gath-hepher gal Eth-kazin geijin ahungkilhung paiyin chuin Rimmonchannin akilhung doh peh in Neahlang jonin ahung kiheikon tai.

¹⁴Abanin sahlamma agamgi chu Hannathon langa akiheijin Iphtah-el phaiya abeitai.

¹⁵Khopi hochu Kattath ahin, Nahalalahin, Shimronahin, Idalah ahin, chuleh Bethlehem tohahi, khopi somleni toh akhoneojousetoh ahithai.

¹⁶Hichenghi Zebulun chate chanagam goulo ahin ainsung dungjuiuva khopi hicheng toh akhoneojouse toh chantha ahiuve.

¹⁷Ali channa gamloding chan kipechu Issachar phung mite le asungaabahkhai ho ahiuve.

¹⁸Agamgi hopsunga chun Jezreeljong, Kesul’loth jong Shunem jong.

¹⁹Hapharaim jong Shion jong Anaharath jong,

²⁰Rabbith jong Kishion jong Ebez jong,

²¹Remeth, En-gannim jong En-haddah jong, Beth-pazzez jongahopdoh tai,

²²Agamgi chun Tabor jong Shahazuman jong chule Beth-shemesh jongahopan, Jordanvadungah chun agamgi abeitai. Khopi somlegup toh akhoneo jousetoh ahiye.

²³Hiche hi Issachar chate phungmiho goulo achandiu ahin, ainsungdungjuijin khopi chujat chutohkhoneo chengse toh achantha taove.

²⁴Anga channa gamloding chankipe chu Asher phung mite leasunga abahkhai ho ahiuve.

²⁵Agam chu Helkath jong Halijong, Beten jong, Achshaph jong,

²⁶Allammelech jong, Amad jongchule Mishal jong ahoptai, nilhumlamma Carmel le Shihor-libnath jong ahopsoh keijin,

²⁷Chuinagamgi’nnisolamajotnin, Beth-dagon geijin akilhungin, Zebulun leh Iphtahel phaichamahopan, sahlam alhah in, Beth-emek leh Neiel geijin akilhunglutnin ahi, chujouvin jong agamgichu Cabul sahlamma achen,

²⁸Ebron lam, Rehob lam, Hammonlam, Kanah lam ajonnin, Sidonlengpa geijin akilhung lutne,

²⁹Hichun Ramah lamma agamgichu ahung kihei kitnin Tyre khopikulpi kikai khumchu ahinpha pehin ahi, chujouvin Hosah lam jonninakihei kitnin chule Akzib gamkaiya Mediterraniantwilenaatangtai, Mehebel jong Achzib jong,

³⁰Ummah jong, Aphek jong chuyle Rehob jong ahin, khopi somnile nitoh akhoneo jouse jong ahi.

³¹Hichehi ainsungu dungjuija Asher chate phung goulo ahin, khopi hijat leh akhoneo jouse tohahi.

³²Agup channa gamloding chankipe chu Naphtali phung mite leasunga abahkhai ho ahiuve.

³³Agamgi chu Heleph a kipat Zaanan-nim apat chule Adami-nekeb apat, Jabneel apat Lakkumchan geijin akilhung lut peh in, chuin Jordan vadunga atangtai.

³⁴Chujouvin agamgi chu nilhumlamma akiheijin, Aznoth-tabor lamajonnin chua konnin Hukkok lamajonpai paijin lhanglamma Zebulunahopan nilhum langa Asher gamgiahopa kitnin nisolamma Jordanvadung ajuijin ahi.

³⁵Kulpi kikaikhum hochu, Ziddim ahin, Zer ahin, Hammath ahin, Rakkath ahin, Kinnereth ahi.

³⁶Adamah ahin, Ramah ahin, Hazor ahin,

³⁷Kedesh ahin, Edrei ahin, En-hazor ahin,

³⁸Yiron ahin, Migdal-el ahin, Beth-anathahin, chule Beth-shemesh ahin, khopi somleko tohkhoneo chengse toh ahi.

³⁹Ainsung utoh kithuh bepmahichenghi Naphtali chate phungchan agamu ahi, khopi hohi ahinkhoneoho ahin akisim than ahi.

⁴⁰Asagi channa gamloding chankipe chu Dan phung mite le asungaabahkhai ho ahiuve.

⁴¹Chule Dan phung chan agoulogamchun khopi Zorah jong, Eshtaoljong Ir-shemesh jong,

⁴²Shalabbin jong, Aijalon jong, Ithlah jong,

⁴³Elon jong Timnath jong, Ekronjong ahin,

⁴⁴Eltekah jong, Gibbethon jong, Baalath jong,

⁴⁵Jehud jong, Bene-berak jong, Gath-rimmon jong,

⁴⁶Chule Me-jarkon le Rakkon toh Joppa to kimai ngat gamsung sesejong ahopsoh keijin ahi.

⁴⁷Dan chaten agamsung achanlouphat uvin akon touvun Leshemkhopi agasat uvin, alah jouvunchemjamminasatgamhelluvinatoupha uvin asunga acheng tauve, Leshem jong chu apu apau minaputsah uvin Dan asah taove.

⁴⁸Hichenghi ainsung tohkham bepma Danchatephunggol achannu ahin, khopi hojong khoneohojong ahithai. Gam Kipe Nukhah Pen

⁴⁹Gamsung chu abih bih a gouloachenpha dia akihopsoh helphatuvin, Israel chaten Nun chapa Joshua jong chu alah uva gouloding gam apeovin ahi.

⁵⁰Pakai thusah in Israelten Joshuachu athumpen pen khopi Timnath-serah kiti, Ephraim thinglhanggamsunga khopi chu ape taove, amanjongakhopichuakisahphatnin chennan aneitan ahi.

⁵¹Eleazer thempupa leh Nun chapa Joshua chule Israel aphungkhaileh ainsung dungjui uva alamkaihouvin Shilohmunna Pakaiangsung laitah’a vang asan’uvaanahopdoh pehnau gam ahin, hichu Pakai chenna ponbuh kotpi phungaanahopmu ahiye, hitichun amahonagamchu ahomsoh taovin ahi.