Sabóor 62:4-11

⁴Xanaa dungeen bàyyee songandoo nit, nar koo sànk, ni kuy màbb tabax bu joy, mbaa ngay bàddi per mu ràpp?

⁵Seeni mébét, wàcce boroom daraja doŋŋ; yeena ngi bége ay fen, seeni kàddu diw yiw, seen xalaat diy saaga. Selaw.

⁶Yal na Yàlla doŋŋ di dalal sama xel, moom mi ma yaakaar.

⁷Moom doŋŋ a di sama cëslaay, di sama wall, di sama rawtu, duma tërëf.

⁸Yàllaa may musal, di ma sagal, ma di ko doolewoo. Sama kiiraay, Yàllaa!

⁹Bokk yi, wóoluleen ko fu ngeen tollu, diisleen ko seen xol, Yàllaay sunu kiiraay. Selaw.

¹⁰Doom aadama, ngelawal neen; nit, naxi neen. Booleel teg ci lu ñuy natte diisaay, kaw la jëm. Ñooy gëna woyof ngelaw!

¹¹Bul wóolu ribaa, bul yaakaar alalu càcc, neen la. Bu sa alal yokku, nga taf ci sa xol.