Salamo 62:4-11

⁴Edi nuatu esega mo ede bena ena abatoro eai se oiheguri. Ao borabora se henua aririei. Awadi eai se ribalolo, na nuaboeadi eai se riba‐hemate.

⁵Eaubada iabom earuagu i laubagibagiei ma monomonougu; egu sunuma ede ia arinai.

⁶Ia iabom egu we’utau eo egu abamauri ede, egu numa adiadidirina; taba nige nuagu se heberuberu.

⁷Egu abamauri eo egu abadudurai ede Eaubada iabom arinai, ia egu we’utau adiadidirina eo egu abahomo ede.

⁸Egu dodogayao e, huia gamagamagari ia bena au sunumaei, nuamiu au hegoigabaedi ia matana eai. Eaubada ia eda aba ailogulogu ede.

⁹Tatao dobidobidi isi doha eahua mo, tatao saesaedi isi doha ginauri borabora; taba se nonoidi se mamara, mamohoi se mamara ariri abotai eahua.

¹⁰Tabu baaea maisana u nuatui, eo tabu em sunuma u torelaei aiyahari arinai; taba em gogo i helai, tabu nuam i lauei.

¹¹Ma’esega Eaubada ie riba, malabui ina ta ea ataiei: iaede ina, gigibori Eaubada iabom enana,