SALAMO 62:4-11

⁴Edia lalo-hadai tamona be ena dagi amo bae doria dobi; hereva koikoidia e moalelaimu; ududia amo hahenamo herevadia e gwauraimu, a lalodia ai e heuduguirai. (Selah)

⁵Lau laumagu ese Dirava mo e nariamu, asi reḡereḡegu; badina be egu helaro na ienai.

⁶Ia mo sibona na egu nadi-gini bona egu hahemauri, egu kohoro; lau na basina marere.

⁷Egu mauri bona ihamomokanigu na Dirava enai; egu nadi-gini badana na Dirava, egu roho-mauri gabuna na Dirava.

⁸Taunimanima e, nega iboudiai ia bavabidadama henia; lalomui anidia na ia vairanai ba hahedinarai; eda roho-mauri gabuna na Dirava enai. (Selah)

⁹Dagi maraḡi taudia na hahodi ta na heto; dagi bada taudia na asi anidia; metau hahetoho ḡauna ai e haraḡamu, metaudia idoinai na maraḡi, hahodi tamona metauna ida asie heḡereḡere.

¹⁰Dadidadi karadia basio abidadama henidia, henao karadia basio larodia kava; emui taḡa bema bada, basio lalokau henia.

¹¹Nega hata Dirava vada e hereva, nega harua ini vada o kamonai toma: siahu na Dirava ena.