SALAMO 62:4-11

⁴Umui ura iena dagi dekena amo do umui doria diho, ani? Bona umui ese hereva koikoi umui gwauraia noho, badina hanamoa hereva ia dekenai umui gwauraia noho, to emui kudouna lalonai umui hadikaia noho.

⁵Lau ese Dirava sibona lau abidadama henia noho. Lau ese ia sibona mai abidadama danu lau naria noho, ia ese lau do ia hanamoa totona.

⁶Dirava sibona be egu Nadi Badana, bona egu mauri davaria dalana. Ia be egu kohoro, bona lau be nega ta do lau mareremarere lasi.

⁷Egu mauri bona egu kwalimu, be Dirava sibona ese ia henia noho. Ia sibona be egu Nadi Badana momokani, bona egu mauri davaria dalana.

⁸Taunimanima e, nega ibounai Dirava do umui abidadama henia. Emui kudouna edia ura gaudia, be ia dekenai do umui hamaoroa, badina Dirava be iseda heau mauri gabuna momokani.

⁹Dagi maragi taudia be hahodi ta sibona bamona, ma dagi bada taudia be anina lasi. Metau tohoa sikele dekenai idia be metau lasi momokani. Edia metau, be hahodi tamona ena metau hegeregerena sibona.

¹⁰Dagedage karadia dekenai do umui abidadama henia lasi. Henaoa kara danu dekenai do umui hekokoroku lasi. Bema emui kohu idia momo daekau lao neganai, do umui lalokau henidia lasi.

¹¹Nega ta Dirava ia hereva vadaeni, bona nega rua be inai hereva lau kamonai vadaeni, gauna be inai: Dirava e, oi be mai siahu bada danu.