Proveps-Knare Nomaniza 28:2-6

²Mago kumapima vahe'mo'ma mago rimpama hu'zama omanesigeno'a, rama'a kva vahe fore hugahie. Hianagi antahizane vahe'ene antahi ama hu antahizane vahe'ma maninesigeno'a, maka zamo'a knare huno vugahie.

³Amunte omane vahe'mo'ma, amunte'ma omane vahe'ma azeri havizama nehiazamo'a, e'i ranko aruno hozamofo eri haviza hiankna nehie.

⁴Kasegema ruhantagi vahe'mo'za, kefo avu'avazama nehaza vahekura husga hunezmantaze. Hianagi kasegema nevaririza vahe'mo'za, kefo vahe'mokizmia ha' renezmantaze.

⁵Kefo zamavu' zamavama nehaza vahe'mo'za, fatgo huno refkohu avu'avazana antahi amara nosazanagi, Ra Anumzamofonkuma nehakamo'za makazana antahi amara nehaze.

⁶Amunte omane vahe'ma manineno fatgoma huno manizamo'a, havi avu'avatetima feno vahe'ma manizana agatere'ne.