2Kantri meda-para piri onaame nimuna gavman senisi pulalo yada palimi rabu kagaa alopape aa mudu rado re-para alopatalo peme. Go yapare aa mudu epeme surubolalo paliare ada kantri epe-rupa pa aalia.
3Aa medame naraame ome aanu rabuniaatalo palia-dare gore yai adaa ipua e maapu marateade-rupa mada pea.
4Rekena i agaa rasitemere wae yae peme aanuna bi minasaeme. Rekena agaa ratua pimi aanumiri waea peme aanu rabuaniaaeme.
5Waea peme aanumiri epe porare ake piaene yapalo nimu ora na-ademe. Goa peme pare aa medaloma Adaa Aa ratulalo peme onaare epe pora ademe.
6Aa meda nipu oyae dia yaliare epe aa yaliare amo ne aame pea luabu rabuaaya.
Ol Provep 28
Ol Provep 28:2-6