1Me ga’ar SOMOL ngak Moses,
2“Mog ngak e girdi’ nu Israel ni gu be yog ni ngar chuweged e pi’in ba daraw fa be yib logwen dow nge pi’in ni kar ta’aygad ni bochan e kar mathgad ngab ldow, ko gin’en ni yad be par riy.
3Miyad chuweg urngin pi girdi’ ney ni yad ba ta’ay, ya nge dab ra ta’ay niged e gin ni yibe par riy, ni gin’en ni gu ma par riy u fithik’ pi girdi’eg.”
4Ma fapi girdi’ nu Israel e ra folgad riy ngar chuwegned fapi cha’ ni yad gubin u lan fa gin’en ni yad ma par riy.
5Me yog SOMOL ngak Moses
6e pin’en ni ba’aray ni nge rin’ e girdi’ nu Israel. Nap’an nra dabki yul’yul’ be’ ngak SOMOL nge rin’ ban’en nib kireb ngak be’,
7ma thangri yog nike denen me pi’ e bayul riy ni ga’ngin, miki puthuy 20 e pasent ngay nge pi’ ni fen facha’ nike rin’ e kireb ngak.
8Machane fa’anra ke yim’ facha’ ni kan rin’ e kireb ngak ma dakuriy be’ rok nib chuchugur ni yira bayul ngak, ma aram e ngan pi’ e bayul ngak SOMOL ni fen fare prist. Re bayul ney e yira chagiy ko fare pifak e saf ni pumo’on ni ir e kan fanay ni fan nga bangbengin facha’ nike sul ke be’ech.
9Ma ku gubin e pi f’oth nib mal’eag ni be pi’ e girdi’ nu Israel ngak SOMOL e bmilfan ngak fare prist ni ir e kar pi’ed ngak.
10Ra reb e prist ma nge par rok e pi maligach ni kan pi’ ngak.
11Me yog SOMOL ngak Moses
12ni nge weliy rogon e pin’en ni ba’aray ngak yu Israel. Fa’anra yo’or’an be’ nib pumo’on rok le’engin ni gomanga de yul’yul’ ngak kar pirew yug reb e pumo’on, ma dabyag ni ngri micheg, ya dariy e mich riy, ma dan kol nike rin’. Fa en ni figirngin e kay gi yo’or lanyan’ rok le’engin ni yug aramrogon ndawor ra pirew yug reb e pumo’on,
15demturug rogon ma fare pumo’on e thangri fek le’engin i yan ko fare prist. Ma ku bay ba maligach ni fen fare bpin nthingari chagiy ngak nge fek i yan, ni aram e l’agruw e pawn e flowa ni barley, machane dabi pu’og e gapgep ni olive nga daken ara wereg e incense nga daken, ni bochan e ba maligach nike yib rok be’ nib mo’on ni be talyegnag le’engin, ni bochan e nge m’ug e tin riyul’.
16Fare prist e nge pining fare bpin i yan nga m’on nge sak’iynag nga mit fare altar.
17Me pu’og boch e ran ni thothup ngalan ba raba’ i dabiy nni ngongliy ko but’ me gogoy e but’ u daken e fraf u lan fare Tent u p’eowchen SOMOL nge tay nga fithik’ fapi ran.
18Ma aram me pithig fare prist piyan lolugen fare pin nga daken me tay fare maligach ni flowa ngalan pa’ nruw raba’. Me kol fare prist nga pa’ nruw raba’ fa raba’ i dabiy ni bay fapi ran riy nib mo’oy nma fek i yib e buch wa’athan nga dakeney.
19Ma aram me yog fare prist ngak fare pin ni nge un ngak nga rognew e pin’en ni ba’aray ni yibe micheg u fithingan Got: “Fa’anra dawor mu pirew be’ ni gathi mabgol rom, ma dabiyib fare buch wa’athan nma yib ko re ran ney ngom.
20Machane fa’anra kam pirew be’ ni gathi figirngim,
21ma ra bucheg SOMOL wa’athan fithingam u fithik’ pi girdi’em. Mra kireb tafen e bitir rom ngam simaw.
22Nge yan ere ran ney ngalan e yal rom ngam simaw me kirebnag tafen e bitir riy.” Me fulweg fare pin ni be ga’ar, “Errogon; errogon ni nge rin’ SOMOL.”
23Ma aram me yoloy fare prist e pi buch wa’athan ney me luknag fapi yol ngalan fa raba’ i dabiy nge yan renggin nga fithik’ fapi ran nib mo’oy.
24U m’on ni nge pi’ fapi ran ngak fare pin ni nge unum, nrayag ni k’aring e amith ngak nib gel,
25ma fare prist e ra fek fare maligach ni flowa ni bay u lan pa’ fare pin, nge chibiy ngalang ni aram e ke pi’ ngak SOMOL, me pi’ u daken e altar.
26Ma aram me fek ba gogow riy nge pi’ ni pow ko fare maligach, ni aram e nge urfiy u daken fare altar. Ngemu’ me pi’ fapi ran ngak fare pin nge unum.
27Ma nap’an nra unum fapi ran ma fa’anra kar pirew be’ ni gathi figirngin, ma fare ran e ra k’aring e amith ngak nib gel; me simaw me kireb tafen e bitir u yin. Me par fithingan nike mang ba yaba’ u fithik’ pi girdi’en.
28Machane fa’anra de buch e rok, ma dariy ban’en nra buch rok mrayag ni ngki fakay e bitir.
29Irera’ rogon e motochiyel ko ngiyal’ nike par be’ ni pumo’on ni be talyegnag le’engin ya be leamnag ni kar pirew yug reb e pumo’on. Fare bpin e yira sak’iynag u mit e altar, ma fare prist e nge rin’ e pin’ey ni bod ni be yog e motochiyel.
31Figirngin fare pin e dariy ban’en nra buch rok ko pin’ey, machane fare pin e fa’anra bbuch e rok ma thangri gafgow u wenegan e kireb rok.
