Mark 4:35-40

³⁵Injoausikin rehnnohr Jesus pwehng nah sohnpadahkkok, “Kisai dauluhlla oaloap pille.”

³⁶Nehn irai koamwurla pokonno, sohnpadahkkok kerda pohn pohsso ma Jesus mine puwoa pwili jeila; epwi pohs pel pwili irai kijkijoula loapoawo.

³⁷Doahr ken eng koalikda, no koalik jaudahdo pohn pohsso, enkennoar kamweihdi.

³⁸Jesus mine mwerin pohsso, moair a moange mine pohn ah pillahu. Sohnpadahkkok panginda ih, pwehng ih, “Maing Johnpadahk, koawoa johpwa kaspoahki irai ne pirinken mehdi?”

³⁹Jesus pwohrdahr, ruwojehda melmello, pwa, “Uhdi!” Ih pel pwehng nohk, “Kamwai meleileidi!” Anjoauwohr melmello uhdi, ken molundi dauluhl.

⁴⁰Ih ken pwehng irai, “Da kamwai majpwehk ki? Da, kamwai kahjikkoar pwojonla?”