MARCOS 4:35-40

³⁵Quema tlatlayohuixqui nopa tonal, Jesús quinilhui imomachtijcahua: ―Ma tiquixcotonaca ni hueyi atl hasta ne seyoc nali.

³⁶Huajca quincajtejque nopa miyac masehualme catli itztoyaj tlalpani huan imomachtijcahua quihuicaque Jesús ipan cuaacali campa mosehuiyaya para yohui ne seyoc nali. Huan nojquiya itztoyaj sequinoc masehualme catli yajque ininhuaya ipan tlen inijuanti inincuaacal.

³⁷Huan nimantzi hualajqui se ajacatl catli tlahuel chicahuac. Huan motlananqui hueyi atl huan pejqui acalaqui inincuaacal hasta temisnequiyaya.

³⁸Huan Jesús cochtoya iniica ipan cuaacali, motzontectoya ipan se piltzontetontzi. Huajca imomachtijcahua quiixitijque huan quiilhuijque: ―¡Tlamachtijquetl! ¿Amo timotequipachohua pampa timisahuíaj?

³⁹Huajca Jesús mejtiquisqui huan quitlacahualti nopa ajacatl huan quiilhui hueyi atl: ―Amo ximolini, san xielto. Huan nopa ajacatl moquetzqui huan nopa hueyi atl ayacmo mojmolini.

⁴⁰Huajca Jesús quinilhui imomachtijcahua: ―¿Para tlen nelía anmajmahuij? ¿Amo anquineltocaj catli hueli nijchihua?