San Marcos 4:35-40

³⁵Yet kꞌejbiyalil yin̈ticꞌa huneꞌ tzꞌayic tuꞌ, yalni Comam Jesús tet ebnaj iscuywom: —Ton̈we iskꞌaxepicꞌto haꞌ lago tiꞌ, ẍi Comam.

³⁶Hac tuꞌ yu iscancano anma istiꞌ haꞌ, yinito ebnaj Comam yul teꞌ barco ayayo bey tuꞌ. Aypaxo xin huntekꞌan teꞌ barco oc tzujno yinta teꞌ bay ayicto Comam.

³⁷Hayet ayco teꞌ yiban̈ ha haꞌ istit huneꞌ niman jakꞌekꞌ, yichico jakꞌekꞌ ismakꞌnicto haꞌ yul teꞌ barco tuꞌ, caw xin nohayto haꞌ yul teꞌ.

³⁸Wal Comam xin wayo chu yin̈ilto isyutz teꞌ, kꞌeyanayo yiban̈ huneꞌ iskꞌan̈ wiꞌe. Yoc ebnaj yinolo iswayan̈ Comam, yalni ebnaj: —Mam cuywawom, caw matzet chal nino hacꞌul, lan̈an coto yich haꞌ lah, ẍi ebnaj.

³⁹Hayet yaben Comam huneꞌ tuꞌ yahwano Comam, iscachni Comam jakꞌekꞌ yeb ha haꞌ: —Matxa chexbili, lin̈bawe heba, ẍi Comam. Yin̈n̈ena tuꞌ islin̈ban isba jakꞌekꞌ yeb ha haꞌ, ispaxtzꞌin̈nahi.

⁴⁰Yalni Comam tet ebnaj iscuywom tuꞌ: —¿Tzet yin̈ xin caw chexxiwi? Caw mach chicawxi hecꞌul yin̈ Comam Dios, ẍi Comam.