Markus 4:35-40

³⁵Iwe, lekuniolun ewe chök rän Jesus a üreni nöün kewe chon kaiö, “Ousipwe feila epek ewe noom.”

³⁶Iwe, ra feila seni ewe mwichen aramas mi chomong o tötä won efoch wa, Jesus a fen nom won. Iwe, ra uweela Jesus won ewe wa, a pwal wor ekoch wa ra fitiirela.

³⁷Iwe, a müttir fis pwe eu asepwäl mi pöchökül a enito o ekewe no ra nulong lon waar we, pwe a arap ngeni an epwe kokola.

³⁸Jesus a nom mürin ewe wa, a möür o ülüta won eu pilu. Iwe, ekewe chon kaiö ra föngünätä o aisini, “Sense, kosap lolilenäsini ach sipwe le feiengau?”

³⁹Iwe, Jesus a ütä o kapas ngeni ewe asepwäl, “Kopwe manasösötiu!” A pwal üreni ekewe no, “Oupwe lüala.” Iwe, ewe asepwäl a söötiu, a pwal fokun lüala won matau.

⁴⁰Mürin Jesus a üreni nöün kewe chon kaiö, “Pwota oua niuokus? Ifa usun, ousap lüküei?”